இனி ஈரானுடன் பேச்சுவார்த்தை டைம் வேஸ்ட்.. அமெரிக்கா-ஈரான் இடையே புதிய மோதல்: போர்நிறுத்த ஒப்பந்தம் முறிந்தது?

Publish: Wed, 8 Jul 2026 (15:09 IST) Updated: Wed, 8 Jul 2026 (15:11 IST)

மத்திய கிழக்கில் பதற்றம் மீண்டும் உச்சக்கட்டத்தை எட்டியுள்ளது. ஹார்முஸ் நீரிணையில் வணிகக் கப்பல்கள் மீது ஈரான் தாக்குதல் நடத்தியதற்குப் பதிலடியாக, அந்நாட்டின் பந்தர் அபாஸ், சிரிக் மற்றும் கெஷ்ம் தீவு ஆகிய பகுதிகளில் அமெரிக்கா கடுமையான வான்வழித் தாக்குதல்களை நடத்தியுள்ளது. மேலும், ஈரான் எண்ணெய் விற்பனைக்கான உரிமத்தையும் வாஷிங்டன் ரத்து செய்துள்ளது.

துருக்கியில் நடக்கும் நேட்டோ மாநாட்டின் இடையே இதுகுறித்து பேசிய அமெரிக்க அதிபர் டொனால்ட் டிரம்ப், ஈரானுடனான இடைக்காலப் பேச்சுவார்த்தை "முடிவுக்கு வந்துவிட்டது" என்று அறிவித்தார். ஈரானியத் தலைவர்களைக் கடுமையாக விமர்சித்த அவர், பேச்சுவார்த்தைகள் தொடர அனுமதித்தாலும் அது "வீண் வேலை" என்று குறிப்பிட்டுள்ளார்.

இதற்கிடையில், இந்தத் தாக்குதலுக்கு ஈரானின் தற்காலிகத் தலைமை கடும் கண்டனம் தெரிவித்துள்ளது. அமெரிக்காவின் அச்சுறுத்தல்களுக்குப் பணிய மாட்டோம் என்று கூறிய ஈரான், பஹ்ரைன் மற்றும் குவைத்தில் உள்ள அமெரிக்க ராணுவ நிலைகளைக் குறிவைத்து ஏவுகணைத் தாக்குதல்களை நடத்தியுள்ளது.

 ஈரானின் உச்ச தலைவர் அயதுல்லா அலி கமேனியின் இறுதிச்சடங்கு நிகழ்வுகள் நடந்து வரும் வேளையில் இந்த மோதல் வெடித்துள்ளது. ஏப்ரல் மாதம் எட்டப்பட்ட போர்நிறுத்த ஒப்பந்தம் தற்போது முறியும் அபாயத்தில் உள்ளதால், மத்திய கிழக்கில் மீண்டும் ஒரு பெரிய அளவிலான போர் மூளும் சூழல் உருவாகியுள்ளது.

Edited by Siva