விரைவில் தொடங்கவிருக்கும் விக்ரம் - வேதா
புஷ்கர் - காயத்ரி இயக்கத்தில் அறிவிக்கப்பட்ட படம், விக்ரம் - வேதா. இதில் விஜய் சேதுபதி, மாதவன் இருவரும் நடிப்பதாக கூறப்பட்டது.
அறிவிப்புடன் இந்தப் படம் நின்று போனதாக வதந்தி கிளம்பியிருக்கும் நிலையில், படம் விரைவில் தொடங்கப்பட உள்ளதை நடிகர் ஜான் விஜய்யின் ஸ்டேட்மெண்ட் உறுதி செய்துள்ளது.
புஷ்கர் - காயத்ரியின் ஓரம்போ படத்தில்தான் ஜான் விஜய் அறிமுகமானார். அவர்களது இரண்டாவது படம் குவர்ட்டர் கட்டிங் படத்திலும் நடித்தார். விக்ரம் - வேதா படத்திலும் இவருக்கு முக்கியமான வேடமாம். மூன்று காலகட்டங்களை குறிக்கும்வகையில் மூன்று கெட்டப்புகளில் இவர் வருகிறாராம்.
இந்தத் தகவல், விக்ரம் - வேதா கைவிடப்படவில்லை என்பதை உறுதி செய்துள்ளது.
