15 நாட்களில் ஜன நாயகன் ரூ.308.67 கோடி வசூல்
தமிழ் சினிமாவின் முன்னணி நட்சத்திரமாக பல ஆண்டுகளாக ரசிகர்களை கவர்ந்து வரும் தளபதி விஜய், அரசியலில் முழுநேரமாக கவனம் செலுத்தும் முடிவை எடுத்ததைத் தொடர்ந்து, ஜன நாயகன் அவரது கடைசி திரைப்படமாக வெளியாகியுள்ளது. இதனால் படத்தின் மீது ரசிகர்கள் மட்டுமின்றி, திரையுலகிலும் மிகப்பெரிய எதிர்பார்ப்பு நிலவியது.
கடந்த ஜூலை 23-ஆம் தேதி உலகம் முழுவதும் வெளியான ஜன நாயகன் , வெளியீட்டுக்கு முன்பே பல்வேறு சிக்கல்களை சந்தித்தது. இருப்பினும் அவற்றைத் தாண்டி திரையரங்குகளில் வெளியான படம், விஜய் ரசிகர்களின் கொண்டாட்டத்துடன் ஓடி வருகிறது.
இயக்குநர் ஹெச். வினோத் இயக்கியுள்ள இந்த படத்தில், விஜய்யுடன் பூஜா ஹெக்டே, மமிதா பைஜு, நரேன், கெளதம் வாசுதேவ் மேனன் உள்ளிட்டோர் முக்கிய கதாபாத்திரங்களில் நடித்துள்ளனர். அதேபோல், பிரகாஷ் ராஜ், பாபி தியோல், சுனில், பிரியாமணி உள்ளிட்டோர் எதிர்மறை கதாபாத்திரங்களில் நடித்திருப்பது படத்திற்கு கூடுதல் பலமாக அமைந்துள்ளது.
வெளியான முதல் நாளிலிருந்தே ரசிகர்களின் வரவேற்பைப் பெற்ற இப்படம், தமிழ்நாடு மட்டுமின்றி வெளிமாநிலங்கள் மற்றும் வெளிநாடுகளிலும் கணிசமான வசூலை ஈட்டி வருகிறது. குறிப்பாக விஜய்யின் கடைசி படம் என்ற உணர்வு, பல ரசிகர்களை திரையரங்குகளுக்கு மீண்டும் மீண்டும் வரவழைத்ததாக கூறப்படுகிறது.
இந்நிலையில், வெளியாகி 15 நாட்கள் நிறைவடைந்துள்ள நிலையில், 'ஜன நாயகன்' உலகம் முழுவதும் ரூ.308.67 கோடி வசூல் செய்துள்ளதாக தகவல்கள் வெளியாகியுள்ளன. இதன்மூலம் 300 கோடி ரூபாய் வசூல் கிளப்பில் இணைந்துள்ள இப்படம், இந்த ஆண்டின் குறிப்பிடத்தக்க தமிழ் திரைப்படங்களில் ஒன்றாக மாறியுள்ளது.
எனினும், இந்த வசூல் விவரங்கள் குறித்து படக்குழு சார்பில் இதுவரை அதிகாரப்பூர்வ அறிவிப்பு வெளியாகவில்லை என்பது குறிப்பிடத்தக்கது.
