மீண்டும் தள்ளிப் போனது அச்சம் என்பது மடமையடா
ஆகஸ்ட் மாதம் வெளியாகும் என்று சொல்லப்பட்ட அச்சம் என்பது மடமையடா படம், தள்ளிப்போகாதே பாடலில் நடிக்க சிம்பு ஒத்துழைப்பு தராததால் தள்ளிப் போனது. பிறகு, பாடலில் நடித்துத் தருவதாக சிம்பு வாக்களித்தார்.
அதனைத் தொடர்ந்து செப்டம்பர் 9 படம் வெளியாககும் என்று அறிவிக்கப்பட்டது.
இந்தப் படம் தெலுங்கில் நாக சைதன்யா நடிப்பில் உருவாகியுள்ளது. தெலுங்குப் பதிப்பின் படப்பிடிப்பு முடிந்த நிலையில், தமிழில் தள்ளிப்போகாதே பாடல் இன்னும் முடிக்கப்படாமலே உள்ளது.
அதன் காரணமாக செப்டம்பர் 9 படம் வெளியாகப் போவதில்லை என்பது உறுதியாகியுள்ளது. செப்டம்பர் இறுதியில் அல்லது அக்டோபரில் படம் வெளியாகும் என்கிறார்கள், அதுவும் சிம்பு ஒத்துழைத்தால் மட்டும்.
