கிளாமர் பெ‌ரிய விஷயமில்லை – சனா கான்

Webdunia|
WD
தமிழ் சினிமாவில் அழகான, திறமையான ஹீரோக்கள் நிறைய பேர் இருக்கிறார்கள். அவர்கள் அனைவருடனும் இணைந்து நடிக்க ஆவலாக இருக்கிறேன் என்று ஒட்டுமொத்த திரையுலகுக்கும் தூண்டில் போடும் விதமாக பேசுகிறார் சனா கான். சிலம்பாட்டம் படத்தில் அறிமுகமானபோது இருந்த வெள்ளந்தித்தனம் இப்போது சனா கானிடம் மிஸ்ஸிங். விவகாரமான கேள்விகளுக்கும் விவரமாக பதில் சொல்கிறார் இந்த மும்பை அழகி.

நடிப்புப் பற்றி இப்போது அதிகமாக பேசுகிறீர்களே?

என்னுடைய முதலிரண்டு படங்களை பார்த்திட்டு நான் கிளாமரா நடிக்க மட்டும்தான் லாயக்குன்னு பலரும் எழுதினாங்க, பேசினாங்க. அவங்க சொன்னது தப்பு எனக்கு நடிக்கவும் தெ‌ரியுங்கிறதை என்னுடைய அடுத்தடுத்தப் படங்களில் ப்ரூப் பண்ணியிருக்கேன். என்னுடைய புதிய படங்களில் கிளாமரை மட்டும் எதிர்பார்த்து வர்றவங்க ஏமாந்துப் போவாங்க.
அது என்னென்ன படங்கள்?

இரண்டுப் படங்கள் விரைவில் திரைக்கு வரவிருக்கிறது. முதலில் ஆயிரம் விளக்கு. அப்புறம் ராதாமோகனின் பயணம்.

இந்தப் படங்கள் பற்றி கொஞ்சம் வி‌ரிவாக சொல்ல முடியுமா?
ஆயிரம் விளக்குப் படத்தை ஹோசிமின் இயக்கியிருக்கிறார். நான் சாந்தனு ஜோடியா நடிச்சிருக்கேன். மதுரையை மையமா வச்சு இந்தப் படத்தை ஹோசிமின் சார் எடுத்திருக்கிறார். படத்தை கண்டிப்பா வெற்றிப் படமாக்கணும்ங்கிற வெறியோடு உழைச்சிருக்கார். அது படத்தில் கண்டிப்பா தெ‌ரியும். இதுவரை நான் நடித்தப் படங்களுக்கும் இதுக்கும் சின்ன ஒற்றுமைகூட இருக்காது. முற்றிலும் வித்தியாசமான படம். என்னுடைய நடிப்பு ஆர்வத்துக்கு தீனி போடுகிற நல்ல கேரக்டர். சிலம்பாட்டம், தம்பிக்கு இந்த ஊரு படங்களில் பார்த்த சனா கானை இதில் பார்க்க முடியாது.
பயணம்...?

ராதாமோகன் சார் பயணத்தை இயக்கியிருக்கார். சிலம்பாட்டம் படத்தைப் பார்த்துதான் இந்த வாய்ப்பை எனக்கு தந்தார். என்னுடைய சினிமா கே‌ரிய‌ரில் இது மறக்க முடியாத படமாக இருக்கும்.


இதில் மேலும் படிக்கவும் :