உலகக்கோப்பை கால்பந்து இறுதிப்போட்டி: படங்களுடன் முழுவிவரம்!

வீரமணி பன்னீர்செல்வம்| Last Updated: திங்கள், 14 ஜூலை 2014 (15:56 IST)
ஆட்டம் தொடங்கிய 20ஆவது நிமிடத்தில் ஜெர்மனியின் தடுப்பாட்டக்காரர் தங்களது கோலி பந்தை ஹெட்ஸ் செய்து அனுப்ப முயற்சிக்க, அவருக்குப் பின்னால் அர்ஜெண்டீனாவின் நட்சத்திர ஆட்டக்காரர் கொன்சாலோ ஹிகுவைன் உள்ளே புகுந்து அந்த பந்து இரண்டு பவுன்ஸ் ஆனவுடன் தனது வலது காலை சுழட்டி அடிக்க, பந்து கோல் கம்பத்தின் இடது புறம் பல மீட்டர் தூரம் தள்ளிப்போனது.
அதேபோல் ஆட்டத்தினுடைய 30ஆவது நிமிடத்தில் அர்ஜெண்டீனாவின் மையப்பகுதி ஆட்டக்காரர் லாவெஸ்ஸி கொடுத்த அற்புதமான பாஸ்-ஐ ஹிகுவைன் அற்புதமான கோலாக மாற்றினார். அங்கு ஒரு சிறு பிழை நடந்துவிட்டது. அது அர்ஜெண்டீனாவின் தலையெழுத்தையே மாற்றிய பிழையாகிப் போனது காலக்கொடுமை என்றுதான் சொல்லத் தோன்றுகிறது.
லாவெஸ்ஸி தூக்கி அடித்த பந்து டி பொசிஸன் என்று சொல்லப்படும் கட்டத்துக்குள் வருவதற்குள் அர்ஜெண்டீனா அவென்ஸ் ஹிகுவைன் தனது ஒரு காலை, ஒரே ஒரு அடி உள்ளே வைத்துவிட்டார். அது ஆஃப் சைடு எனப்படும் ஃபவுல் வகையைச் சார்ந்தது. எனவே அந்த அற்புதமான கோல் கணக்கில் எடுத்துக் கொள்ளப்படவில்லை.
 


இதில் மேலும் படிக்கவும் :