வெற்றியோ தோல்வியோ.. 96 ஆண்டு கால சாதனையை சமன் செய்த இந்தியா - இங்கிலாந்து 5வது டெஸ்ட்..!
இந்தியா மற்றும் இங்கிலாந்து அணிகளுக்கு இடையிலான பரபரப்பான டெஸ்ட் தொடர், இறுதி கட்டத்தை எட்டியுள்ளது. இங்கிலாந்து வெற்றி பெற 35 ரன்கள் மட்டுமே தேவை, அதே சமயம் இந்தியாவுக்கு நான்கு விக்கெட்டுகள் தேவை. தற்போது இங்கிலாந்து அணி 2-1 என்ற கணக்கில் தொடரில் முன்னிலையில் உள்ளது.
இந்தத் தொடரில் இரு அணிகளும் ரன் குவித்துள்ள நிலையில், இந்த ஐந்தாவது டெஸ்ட் போட்டியின் இரண்டாவது இன்னிங்ஸும் இதற்கு விதிவிலக்கல்ல. இங்கிலாந்து அணி 300 ரன்களை தாண்டியபோது, இந்த தொடரில் 300-க்கும் மேற்பட்ட ரன்கள் எடுக்கப்பட்டது இது 14-ஆவது முறையாகும். இதன் மூலம், 1928-29 ஆம் ஆண்டு ஆஷஸ் தொடரில் உருவாக்கப்பட்ட 96 ஆண்டுகால சாதனையை இந்த தொடர் சமன் செய்துள்ளது.
மேலும், இந்தத் தொடரில் ஜோ ரூட் அடித்த சதம், தொடரின் 21-வது சதமாக அமைந்தது. இதன் மூலம், 1955-ஆம் ஆண்டு ஆஸ்திரேலியா - மேற்கிந்தியத் தீவுகள் தொடரில் உருவாக்கப்பட்ட 70 ஆண்டுகால சாதனையை இந்த தொடர் சமன் செய்துள்ளது.
Edited by Mahendran
