தாயின் கள்ளக்காதலனால் கற்பழித்து கொல்லப்பட்ட பள்ளி மாணவி: கொலையாளி பரபரப்பு வாக்குமூலம்

Ilavarasan| Last Updated: வியாழன், 17 ஜூலை 2014 (19:35 IST)
சிதம்பரம் அருகே நடந்த பள்ளி மாணவி கொலையில் தாயின் கள்ளக்காதலன் கைது செய்யப்பட்டார். காவல்துறையில் அவர் பரபரப்பு வாக்குமூலம் கொடுத்துள்ளார்.
சிதம்பரம் அருகே எம்.ஜி.ஆர். திட்டில் உள்ள ஓடையில் கடந்த 10 ஆம் தேதி அன்று இளம்பெண் கொலை செய்யப்பட்டு நிர்வாண நிலையில் பிணமாக கிடந்தார். அந்த பெண்ணின் அருகில் ஒரு பை கிடந்தது. அதில் அரசுபள்ளிக்கூட யூனிபார்ம், ஒரு ஜோடி காலணி மற்றும் சில பொருட்களும் இருந்தது.

இதனையடுத்து கிள்ளை காவல்துறையினர் அந்த இளம்பெண்ணின் உடலை கைப்பற்றி பிரேத பரிசோதனைக்காக சிதம்பரம் அரசு மருத்துவமனைக்கு கொண்டு சென்றனர். பள்ளிக்கூட யூனிபார்ம் வைத்திருந்ததால் அந்த பெண், அரசு பள்ளிக்கூட மாணவி என்பது காவல்துறையினரின் முதற்கட்ட விசாரணையில் தெரியவந்தது. ஆனால் அவரை பற்றிய முழுவிவரம் தெரியவில்லை.
மேலும் இதுதொடர்பாக காவல்துறையினர் வழக்குப்பதிவு செய்து அந்த மாணவியை எம்.ஜி.ஆர் திட்டு பகுதிக்கு அழைத்து வந்து கொலை செய்தது யார்? என்பது குறித்து தீவிர விசாரணை நடத்தி வந்தனர்.

பெரும் பரபரப்பை ஏற்படுத்திய இந்த சம்பவம் தொடர்பாக வடக்கு மண்டல காவல்துறை ஐ.ஜி. மஞ்சுநாத், விழுப்புரம் சரக டி.ஐ.ஜி. முருகன், கடலூர் மாவட்ட காவல் கண்காணிப்பாளர் ராதிகா ஆகியோர் 2 நாட்கள் சிதம்பரத்தில் முகாமிட்டு தீவிர விசாரணை நடத்தினர்.


இதில் மேலும் படிக்கவும் :