வியாழன், 28 மார்ச் 2024
  1. செய்திகள்
  2. செய்திகள்
  3. த‌மிழக‌ம்
Written By Ilavarasan
Last Modified: வெள்ளி, 29 ஆகஸ்ட் 2014 (12:58 IST)

திமுக தலைவர் கருணாநிதியின் ஃபேஸ்புக்கை 2 லட்சம் பேர் பின் தொடர்கின்றனர்

திமுக தலைவர் கருணாநிதியின் முகநூலை (ஃபேஸ்புக்) 2 லட்சம் வாசகர்கள் பின்தொடர்கின்றனர்.
 
இது தொடர்பாக திமுக தலைமைக் கழகம் வியாழக்கிழமை வெளியிட்ட அறிக்கை: முகநூல் என்ற சமூக வலைதளம் உலகத்தில் உள்ள அனைத்து முனைகளையும் இணைக்கும் மாபெரும் சமூக சக்தியாக உருவெடுத்துள்ளது. இந்நிலையில் முகநூல் நிறுவனம், உலகில் உள்ள தலைசிறந்த பிரமுகர்களின் பக்கங்களை அங்கீகரித்து வருகிறது.
 
அந்த வகையில் தலைசிறந்த இந்தியப் பிரமுகர்களின் பட்டியலில் கருணாநிதியின் பிரத்யேக முகநூல் பக்கத்தை அங்கீகரித்துள்ளது. கருணாநிதியின் முகநூல் பக்கத்தை 2 லட்சத்துக்கும் மேற்பட்டோர் பின்தொடர்கின்றனர். மேலும், 2016 சட்டப்பேரவைத் தேர்தலை முன்னிட்டு, கருணாநிதியின் இணையதள செயல்பாட்டை விரிவாக்கம் செய்யவும் ஏற்பாடுகள் செய்யப்படுவதாக அதில் கூறப்பட்டுள்ளது.