வினாடி வினா போட்டியில் சாவர்க்கர் கேள்வி கேட்ட ஆசிரியர் சஸ்பெண்ட்.. அதிரடி நடவடிக்கை..
கேரள மாநிலம் காசர்கோடு, மற்றும் மஞ்ஞேஷ்வரம் துணை மாவட்டங்களில் உள்ள பள்ளிகளில் நடத்தப்பட்ட 'சுதந்திர வினாடி வினா' போட்டிக்கான வினாத்தாளை தயாரித்த ஆசிரியர் குரு பிரசாத் சஸ்பெண்ட் செய்யப்பட்டுள்ளார்.
கடந்த ஆகஸ்ட் 6ஆம் தேதி நடைபெற்ற இந்த போட்டியில், ஹிந்துத்துவ சித்தாந்தவாதியான வீர் சாவர்க்கர் குறித்து கேட்கப்பட்ட கேள்வி பெரும் சர்ச்சையை ஏற்படுத்தியது. "பிரிட்டிஷாரிடம் இருந்து கடுமையான தண்டனை பெற்ற சுதந்திர போராளி யார்?" என்ற கேள்விக்கு வீர் சாவர்க்கர் என்பதே சரியான பதில் என்று இடம்பெற்றிருந்தது.
வரலாற்று ரீதியாக ஆதரவற்ற மற்றும் தவறான தகவல்களை பரப்பும் வகையில் இந்த வினா அமைந்துள்ளதாக கூறி கல்வித்துறை அமைச்சர் அலுவலகத்தின் உத்தரவின் பேரில் இந்த நடவடிக்கை எடுக்கப்பட்டுள்ளது.
இந்த வினாடி வினா போட்டி சமூக அறிவியல் கழகம் அல்லது பொதுக்கல்வித் துறையின் அதிகாரப்பூர்வ செயல் திட்ட காலண்டரில் இடம்பெறவில்லை என்றும், எவரும் இத்தகைய போட்டிகளைத் தனிப்பட்ட முறையில் நடத்த அங்கீகாரம் வழங்கப்படவில்லை என்றும் கல்வித்துறை தெரிவித்துள்ளது. வினாத்தாள் தயாரித்தவர் மீது விசாரணை முடியும் வரை இடைநீக்கம் செய்யப்பட்டுள்ளார்.
Edited by Siva
