அதானி வழக்கிற்காக இந்தியா பெரும் விலையை அமெரிக்காவுக்கு கொடுத்துள்ளது: ராகுல் காந்தி
அமெரிக்க நீதிமன்றம் அதானி குழுமத் தலைவர் கௌதம் அதானி மற்றும் அவரது உறவினர் சாகர் அதானி மீதான கிரிமினல் வழக்குகளை நிரந்தரமாகத் தள்ளுபடி செய்துள்ளதை அடுத்து, காங்கிரஸ் தலைவர் ராகுல் காந்தி பிரதமர் நரேந்திர மோடியை கடுமையாக விமர்சித்துள்ளார்.
அமெரிக்க நீதித்துறையின் கோரிக்கையை ஏற்று நியூயார்க் மாவட்ட நீதிபதி நிக்கோலஸ் கரோஃபிஸ் இந்த உத்தரவை பிறப்பித்துள்ளார். இருப்பினும், குற்றச்சாட்டுகளின் தரம் குறித்து நீதிமன்றம் எந்த தீர்ப்பும் வழங்கவில்லை என்றும், வெளிநாட்டு ஊழல் தடுப்புச் சட்டம் மற்றும் நீதிக்கு தடை விதித்ததாக கூறப்படும் பிற குற்றச்சாட்டுகள் மீதான முடிவு ஆகஸ்ட் 31-க்குள் ஒத்திவைக்கப்பட்டுள்ளதாகவும் தெரிவிக்கப்பட்டுள்ளது.
அமெரிக்க நீதிமன்றத்தின் இந்த முடிவை சுட்டிக்காட்டியுள்ள ராகுல் காந்தி, சமரசம் செய்துகொண்ட பிரதமர் மோடி இந்தியாவின் நலன்களை விற்க நிர்பந்திக்கப்பட்டுள்ளதாகவும், இதனால் இந்தியா பெரும் விலை கொடுத்து வருவதாகவும் குற்றம் சாட்டியுள்ளார்.
அதானி குழுமம் தாங்கள் மீதான குற்றச்சாட்டுகளை தொடர்ந்து மறுத்து வருவதுடன், நீதிமன்றத்தின் முடிவை பணிவுடன் ஏற்பதாகவும் தெரிவித்துள்ளது. jurisdictional மற்றும் evidentiary சிக்கல்களைக் காரணம் காட்டியே நீதித்துறை இந்த வழக்குகளை திரும்ப பெற முயன்றது குறிப்பிடத்தக்கது.
Edited by Siva
