தொடக்கநிலை ஆண்ட்ராய்ட் போன் - மைக்ரோமேக்ஸ் ஏ34

Webdunia|
FILE
இந்திய நிறுவனமான மைக்ரோமேக்ஸ், பட்ஜெட் விலையில் கூடுதல் வசதிகளுடன் கூடிய மொபைல் போன்களைத் தொடர்ந்து வெளியிட்டு வருகிறது. அண்மையில், என்ற ஆண்ட்ராய்ட் சிஸ்டத்தில் இயங்கும் தொடக்க நிலை மொபைல் போனை அறிமுகப்படுத்தியுள்ளது.

இதன் திரை 3.95 அங்குல அகலத்தில் கெபாசிடிவ் டச் ஸ்கிரீனாக அமைக்கப்பட்டுள்ளது. ப்ராசசர் ஒரு கிகா ஹெர்ட்ஸ் வேகத்தில் இயங்குகிறது. மற்ற மைக்ரோமேக்ஸ் மொபைல் போன்களைப் போலவே, இதுவும் இரண்டு சிம்களை தனித்தனியே இயக்கும் திறன் கொண்டதாக உள்ளது.

எல்.இ.டி.ப்ளாஷ் இணைக்கப்பட்ட 2 எம்.பி. திறன் கொண்ட கேமரா பின்புறமாக அமைக்கப்பட்டுள்ளது. 3.5 மிமீ ஆடியோ ஜாக் தரப்பட்டுள்ளது. நெட்வொர்க் இணைப்பிற்கு 2ஜி, எட்ஜ், புளுடூத், வை-பி, மைக்ரோ யு.எஸ்.பி. ஆகியவை கிடைக்கின்றன. ராம் மெமரி 252 எம்.பி. ஆகவும், ஸ்டோரேஜ் மெமரி 165 எம்.பி. ஆகவும் உள்ளது.
ஸ்டோரேஜ் மெமரியை, மைக்ரோ எஸ்.டி. கார்ட் மூலம் 32 ஜிபி ஆக உயர்த்தலாம். இதன் பேட்டரி 1,350 mAh திறன் கொண்டதாக உள்ளது. இதன் மூலம் 4 மணி நேரம் தொடர்ந்து பேசலாம். 120 மணி நேரம் இதன் மின்சக்தி தங்குகிறது.

மற்ற நிறுவனங்கள் தங்கள் ஸ்மார்ட் போன்களில், நவீன ஆண்ட்ராய்ட் ஜெல்லி பீன் 4 வகையினைத் தருகையில், மைக்ரோமேக்ஸ் இதில் ஏன் ஆண்ட்ராய்ட் 2.3.5, ஜிஞ்சர் ப்ரெட் ஆப்பரேட்டிங் சிஸ்டத்தினைத் தருகிறது என்பது தெரியவில்லை. இந்த தொடக்க நிலை ஆண்ட்ராய்ட் ஸ்மார்ட் போனின் விலை ரூ.4,399/-
ப்ளிப் கார்ட் இணைய விற்பனை தளத்தின் மூலம் இதனை வாங்கலாம். கருப்பு வண்ணத்தில் இது கிடைக்கிறது.


இதில் மேலும் படிக்கவும் :