பெருஞ்சீரகத்தின் நன்மைகள்: சாப்பிட்ட பிறகு ஏன் உட்கொள்ள வேண்டும்?

Publish: Tue, 2 Sep 2025 (18:48 IST) Updated: Tue, 2 Sep 2025 (18:50 IST)

ஓட்டல்களில் உணவு உண்ட பிறகு, பில் செலுத்தும் இடத்தில் ஒரு கிண்ணத்தில் வைக்கப்படும் பெருஞ்சீரகத்தை எடுத்து சாப்பிடுவது பலரது வழக்கம். இனிப்பு கலந்த வெள்ளையாகவோ அல்லது வெறும் பச்சையாகவோ காணப்படும் இந்த செரிமானத் துணைக்கு, பல ஆரோக்கிய நன்மைகள் உள்ளன. அவை என்னென்ன என்பதை இங்கு காண்போம்.

பெருஞ்சீரகம் இயற்கையாகவே புத்துணர்ச்சியூட்டும் சுவையை கொண்டது. இது வாய் துர்நாற்றத்தை எதிர்த்துப் போராடி, சுவாசத்திற்கு புத்துணர்ச்சி அளிக்கிறது. 

பெருஞ்சீரகத்தில் பைட்டோ ஈஸ்ட்ரோஜன்கள் எனப்படும் தாவர அடிப்படையிலான சேர்மங்கள் உள்ளன. இது மாதவிடாய் கோளாறுகள், வயிறு வீக்கம் மற்றும் மனக்குழப்பம் உள்ள பெண்களுக்கு மிகவும் பயனுள்ளதாக இருக்கும்.

அனெத்தோல், பென்சோன் மற்றும் எஸ்ட்ராகோல் போன்ற எண்ணெய்கள் பெருஞ்சீரகத்தில் உள்ளன. இவை செரிமான நொதிகளை தூண்டி, ஊட்டச்சத்துக்களை சிறப்பாக உறிஞ்ச உதவுகின்றன. 

பெருஞ்சீரகத்தின் ஆண்டி-ஸ்பாஸ்மோடிக் பண்புகள், குடல் தசைகளைத் தளர்த்தி, வயிற்றுப் பிடிப்புகள் மற்றும் வாயு தொல்லையைக் குறைக்க உதவுகின்றன.

Edited by Mahendran