ஆடம் ஸம்பா புதிய சாதனை; ஐபிஎல் போட்டியில் 6 விக்கெட்டுகள் வீழ்த்தி அசத்தல்
ஐபிஎல் போட்டிகளில் 6 விக்கெட்டுகள் வித்தியாசத்தில் வீழ்த்தி ஆஸ்திரேலியா வீரர் ஆடம் ஸம்பா சாதனைப் படைத்துள்ளார்.
நேற்று தோனி தலைமையிலான ரைஸிங் புனே சூப்பர்ஜெய்ண்ட்ஸ் அணியும், வார்னர் தலைமையிலான சன்ரைஸர்ஸ் அணியும் மோதின. இதில் டாஸ் வென்று முதலில் செய்த ஹைதராபாத் அணி 20 ஓவரில் 137 ரன்கள் எடுத்தது.
அந்த அணியில் அதிகபட்சமாக ஷிகர் தவான் 33 ரன்களும், கேன் வில்லியம்சன் 32 ரன்களும், யுவராஜ் சிங் 23 ரன்களும் எடுத்தனர். பின்னர் ஆடிய புனே அணி 20 ஓவர்கள் முடிவில் 8 விக்கெட்டுகளை இழந்து 133 ரன்கள் மட்டுமே எடுத்து 4 ரன்கள் வித்தியாசத்தில் தோல்வியை தழுவியது.
இந்த போட்டியில், புனே அணியில் அற்புதமாக பந்து வீசிய ஆடம் ஸம்பா, 4 ஓவர்கள் வீசி 19 ரன்கள் மட்டும் விட்டுக் கொடுத்து 6 விக்கெட்டுகளை கைப்பற்றினார். ஐபிஎல் தொடரில் ஆறு விக்கெட்டுகளை வீழ்த்துவது இது இரண்டாவது முறையாகும்.
இதற்கு முன்னதாக, 2008ஆம் ஆண்டு பாகிஸ்தான் வீரர் ஷொஹைல் தன்வீர் சென்னை சூப்பர் கிங்ஸ் அணிக்கு எதிராக, ராஜஸ்தான் ராயல்ஸ் அணி சார்பாக 14 ரன்கள் கொடுத்து 6 விக்கெட்டுகளை வீழ்த்தியது குறிப்பிடத்தக்கது.
