”உலக கோப்பையில் என்னால் விளையாட முடியும் என்ற நம்பிக்கையும், கனவும் இருக்கிறது” - சேவாக்


லெனின் அகத்தியநாடன்| Last Updated: புதன், 3 டிசம்பர் 2014 (12:11 IST)
உலக கோப்பையில் என்னால் விளையாட முடியும் என்ற நம்பிக்கையும், கனவும் இருக்கிறது என்று வீரேந்திர சேவாக் தெரிவித்துள்ளார்.
 
அடுத்த வருடம் (2015) நடைபெறவுள்ள உலகக் கோப்பை கிரிக்கெட் போட்டிகள் நியூசிலாந்து மற்றும் ஆஸ்திரேலியாவில் நடக்க இருக்கிறது. இந்த உலக கோப்பையின் அறிமுக விழா மும்பையில் நடைபெற்றது.
 
இதில் கலந்து கொண்டு பேசிய வீரேந்திர சேவாக், “அடுத்த ஆண்டு நடைபெறவுள்ள உலகக் கோப்பை போட்டிக்கான 30 பேர் கொண்ட உத்தேச அணியில் எனது பெயர் இடம் பெறும் என்று நம்புகிறேன்.
 
 
எல்லா கிரிக்கெட் வீரர்களும் தனது நாட்டு அணிக்காக உலக கோப்பை போட்டியில் பங்கேற்க வேண்டும் என்று தான் விரும்புவார்கள். இந்த உலக கோப்பை போட்டியில் என்னால் விளையாட முடியும் என்ற நம்பிக்கையும், கனவும் இன்னும் எனக்கு இருக்கிறது.
 
நமது அணி ஒருநாள் போட்டியில் சிறப்பாக செயல்பட்டு வருகிறது. எனவே நமது அணியால் உலக கோப்பையை நிச்சயம் தக்கவைக்க முடியும்.


இதில் மேலும் படிக்கவும் :