டி20 உலகக்கோப்பை குறித்து தவறான தகவலை வெளியிட்டுள்ள கூகுள்
நடைபெற்று வரும் டி20 உலகக்கோப்பை கிரிக்கெட் குறித்து கூகுள் நிறுவனம் தவறான தகவலை வெளியிட்டுள்ளது.
கூகுள் நிறுவனம் அன்றைக்கான சிறப்பு நிகழ்ச்சிகள், தலைவர்கள் இறப்புகள், பிறப்புகள், சிறப்பு தினங்கள் ஆகியவற்றை ’டூடுல்’-ஆக வெளியிடுவது வழக்கம். அதேபோன்று டி20 உலகக்கோப்பை கிரிக்கெட் ஒட்டியும் டூடுல் வெளியிட்டு வருகிறது.
இந்நிலையில், கூகுள் ஹிந்தி பக்கத்தில், ‘டி 20 உலகக்கோப்பை கிரிக்கெட்டில் இங்கிலாந்து - இலங்கை’ அணிகள் மோதவுள்ளதாக குறிப்பிட்டுள்ளது. ஆனால், இந்த அணிகளுக்கான மோதல் நாளை நடைபெற உள்ளது.
இன்றைக்கு ஆஸ்திரேலியா - பாகிஸ்தான் அணிகள் மோதும் ஆட்டமும், தென் ஆப்பிரிக்கா - வெஸ்ட் இண்டீஸ் அணிகள் மோதும் ஆட்டமும் நடைபெறுகிறது என்பதும் குறிப்பிடத்தக்கது.
