நம்பினால் நம்புங்கள் பகுதியில் நமது சமூகத்தில் நிலவும் பல்வேறு நம்பிக்கைகளையும், மூட நம்பிக்கைகளையும் உங்களுக்கு காட்டினோம். இப்படிப்பட்ட நம்பிக்கைகள் சில நேரங்களில் ஆழ்ந்த பற்றுதலாக ஆகின்றது. சில நேரங்களில் அவைகள் மூட நம்பிக்கைகளாக ஆகிவிடுகின்றன. இத்தொடரில் இந்த வாரம் அந்த மூட நம்பிக்கையின் பின் உள்ள உண்மைகளைக் கூறுவதே நோக்கமாகும்.
நம்பிக்கைக்கும், மூட நம்பிக்கைக்கும் இடையே உள்ள மயிரிழை வித்தியாசத்தை எமது வாசகளாகிய நீங்கள் புரிந்துகொண்டு, இப்படிப்பட்ட மூட நம்பிக்கை மோசடிகளில் இருந்து எச்சரிக்கை அடைவீர்கள் என்று நம்புகிறோம்.
webdunia photo
WD
11 உயிர்கள் பலியாகக் காரணமான மூட நம்பிக்கையின் வெறுக்கத்தக்க முகத்தை உங்களுக்கு காட்டுகிறோம். ஆம், மத்தியப் பிரதேச மாநிலம் ஜபல்பூரில் பாக்கு வெட்டியைக் கொண்டு எல்லா நோய்களையும் குணப்படுத்துவதாகக் கூறும் சரெளட்டா பாபாவை பற்றித்தான் பேசுகிறோம். வியாதிகளை குணப்படுத்துவதற்கு பயன்படுத்தப்படும் பாக்கு வெட்டிதான் (சரெளட்டா) இவருடைய சிகிச்சை ஆயுமாகும். இவரிடம் சிகிச்சை பெற ஏராளமானோர் வருகின்றனர். சரெளட்டா பாபாவின் இயற்பெயர் ஈஸ்வர் சிங் ராஜ்புத். ஆனால், பாக்கு வெட்டியைக் கொண்டு சிகிச்சை செய்வதால் இவரை சரெளட்டா வாலே பாபா அல்லது சர்ஜன் பாபா என்று அழைக்கின்றனர்.
எய்ட்ஸ், புற்றுநோய் ஆகியவற்றையெல்லாம் தன்னால் குணப்படுத்த முடியும் என்று இவர் கூறுவதால் ஏராளமான மக்கள் இவரை நாடி வருகின்றனர்.
webdunia photo
WD
இவருடைய சிகிச்சை முறை விநோகமானது. ஒரு போர்வையை எடுத்து தனது முகத்தை மூடிக்கொண்டு தனது கண்ணின் மீது இந்த பாக்குவெட்டியை வைக்கின்றார். தங்களுடைய நோய்க்கு வேறு எந்த சிகிச்சையும் செய்து கொள்ளாதவர்கள், தனது சிகிச்சையால் குணமடைவார்கள் என்றும், மற்ற சிகிச்சைகளைப் பெற்றவர்கள் குணமடைவதற்கான சாத்தியம் குறைவு என்று இந்த பாபா கூறுகிறார். இவருடைய ஆதாரவாளர்கள் பண்டல்காண்ட், சத்தார்பூர் ஆகிய இடங்களில் செய்யும் பிரச்சாரத்தின் காரணமாக ஏராளமானவர்கள் இவரை நாடி வருகின்றனர்.
தற்பொழுது தனது பாக்குவெட்டியால் வெட்டப்பட்ட மரக்குச்சிகளை இந்த பாபா தன்னை நாடி வருவோருக்கு அளிக்கின்றார். இந்த மரக்குச்சியை வைத்திருப்போரிடம் எந்த நோயும் அண்டாது என்று கூறுகிறார்.
பல ஆண்டுகளாக இந்த வைத்தியத்தைச் செய்யும் சரெளட்டா பாபா, தான் ஒவ்வொரு நாளும் நாக தெய்வத்தை ஒன்றரை மணி நேரம் வணங்குவதாகக் கூறுகிறார். தனது பிரார்த்தனையின் போது அளிக்கும் புனித நீர் எல்லா நோய்களையும் குணப்படுத்தக்கூடியது என்று கூறுகிறார். ஒவ்வொரு வியாழக்கிழமையும் இந்த புனித நீரைப் பெறுவதற்காக ஏராளமானவர்கள் இந்த கிராமத்திற்கு திரள்கின்றனர்.
webdunia photo
WD
ஆயிரக்கணக்கான மக்கள் பாபாவைக் காண கிராமத்திற்கு வருவதால் அங்கு இயல்பு வாழ்க்கை பாதிக்கப்படுகிறது. இதனால் சிகிச்சை வரும் மக்களை அந்த கிராமத்து மக்கள் விரட்டுகின்றனர். இதையடுத்து வரும் வியாழக்கிழமைதான் புனித நீரை அளிக்கும் கடைசி நாள் என்று இந்த பாபா அறிவிக்க, ஏராளமான மக்கள் அந்த வியாழக்கிழமை அந்த குக்கிராமத்தில் கூடினர்.
webdunia photo
WD
ஆயிரக்கணக்கில் திரண்ட மக்களை பாபாவின் ஆதரவாளர்களால் முறைபடுத்த முடியவில்லை. இதனால் சற்று கோபமுற்ற பாபா ஒவ்வொருவருக்கும் புனித நீரை வழங்குவதை விட்டுவிட்டு எல்லோர் மீதும் அதனை தெளிக்க ஆரம்பித்தார். அந்த நீர் தங்கள் மீது பட வேண்டும் என்பதற்காக முண்டியடித்துக் கொண்டு மக்கள் முன்னேற, அங்கு ஏற்பட்ட நெரிசலில் சிக்கி 11 பேர் மாண்டனர். பலர் காயமுற்றனர்.
இச்சம்பவத்தைத் தொடர்ந்து பாபாவை காவல் துறையினர் கைது செய்தனர்.
கைது செய்யப்பட்ட பாபா, தான் வியாதியை குணப்படுத்துவேன் என்றோ, புனித நீரை அளிப்பதாகவோ யாரிடமும் கூறவில்லை என்று கூறுகிறார். தனக்கு எய்ட்ஸ், புற்று நோய் பற்றி ஒன்றும் தெரியாது என்கிறார். இப்படித்தான் ஏதுமறியாத மக்களை இவர் ஏமாற்றியுள்ளார்.
இந்த சம்பவத்திற்குப் பிறகு அந்த கிராமத்தில் விசாரணை நடத்திய போது, இந்த ஆசிரமத்தில்தான் எல்லா மோசடியும் அரங்கேறியதாக கிராம மக்கள் கூறுகின்றனர். தான் அளிக்கும் சிகிச்சைக்காக ஒரு ரூபாயைக் கூட பாபா வாங்கவில்லை. ஆனால், பிரார்த்தனைக்காக அங்கு விற்கப்படும் பொருட்கள் அனைத்தும் அதிக விலைக்கு விற்கு அவருடைய ஆதரவாளர்கள் கொள்ளையடித்துள்ளனர்.
WD
இப்படிப்பட்ட பாபாக்களை நம்பவேண்டாம் என்றும், இப்படிப்பட்ட மூட நம்பிக்கைகளில் பற்று வைக்க வேண்டாம் என்றும் வெப்துனியா வாசகர்களை கேட்டுக் கொள்கிறோம். உண்மையான நம்பிக்கைக்கும், மூட நம்பிக்கைக்கும் இடையே உள்ள வேறுபாடுகளை தொடர்ந்து உங்கள் கருத்திற்கு கொண்டு வருவோம்.
