ஜெர்மனியில் உள்ள ஹாம்பர்கில் நடைபெறும் ஜெர்மன் ஓபன் டென்னிஸ் போட்டித் தொடரில் ஜெர்மனி வீரர் ஆண்ட்ரியாஸ் பெக் என்பவரை 7- 6, 7- 6 என்ற செட் கணக்கில் வீழ்த்தி பிரான்ஸ் வீரர் ஜெரெமி சார்டி 3-வது சுற்றுக்குள் நுழைந்துள்ளார். ஸ்வீடன் வீரர் ராபின் சோடர்லிங் போராடி 3-வது சுற்றுக்குள் நுழைந்தார்.
இந்த வெற்றி மூலம் தற்போது ஒற்றையர் ஆட்டங்களில் தொடர்ந்து 6 போட்டிகளை வென்றுள்ளார் ஜெரெமி சார்டி.
மற்றொரு ஆட்டத்தில் ஆடவர் டென்னிஸ் உலகத் தரவரிசையில் 12ஆம் இடத்தில் உள்ள நிகோலே டேவிடென்கோ ஜெர்மனி வீரர் பிலிப் பெட்ஷ்னர் என்பவரை முதல் செட்டில் ஒரு பிரேக் கொடுத்தும் இரண்டாவது செட்டில் இரண்டு பிரேக்குகள் கொடுத்தும் 6- 3, 6- 2 என்ற செட் கணக்கில் வீழ்த்தி 3-வது சுற்றுக்கு முன்னேறியுள்ளார்.
மற்றொரு ரஷ்ய வீரர் ஐகோர் ஆந்த்ரீவ் 4- 6, 3- 6 என்ற நேர் செட்களில் பிரான்ஸின் ஜூலியன் பென்னெட்டூவிடம் தோல்வி தழுவி வெளியேறினார்.
பிரெஞ்ச் ஓபனில் கலக்கிய ஸ்வீடன் வீரர் ராபின் சோடர்லிங், இத்தாலி வீரர் ஃபேபியோ ஃபோக்னீனி என்பவரை 6- 3, 6- 7, 5- 3 என்ற நேர் செட்களில் வீழ்த்த கடுமையாக போராடினார். | 
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க