வீனஸ்-செரீனா இன்று இறுதியில் மோதல்

விம்பிள்டன் கிராண்ட் ஸ்லாம் டென்னிஸ் தொடரில் இன்று மகளிர் ஒற்றையர் இறுதிப் போட்டியில் அமெரிக்க சகோதரிகளான வீனச், செரீனா வில்லியம்ஸ் மோதுகின்றனர். இரட்டையரில் செரீனா-வீனஸ் இணை ஆஸ்ட்ரேலியாவின் ஸ்டோசர்-ரென்னே ஸ்டப்ஸ் இணையை எதிர்கொள்கின்றனர்.

ஆடவர் இரட்டியர் இறுதியில் அமெரிக்காவின் புகழ் பெற்ற பிரையன் சகோதரர்கள் இரண்டாம் தரவரிசையில் உள்ள டேனியல் நெஸ்டர்/நெனாத் ஜிமோஞ்ஜி இணையை எதிர்கொள்கின்றனர்.

வீனஸ் வில்லியம்ஸும், செரீனா வில்லியம்ஸ் ஆகியோர் 4 முறை விம்பிள்டன் டென்னிஸ் ஒற்றையர் இறுதியில் மோதியுள்ளனர். இருவரும் இரு முறை பட்டம் வென்றுள்ளனர்.

மொத்தமாக இருவரும் 20 முறை ஒருவரையொருவர் எதிர்த்து விளையாடியதில் 10- 10 என்று வெற்றிகள் இரு பக்கமும் சம நிலையில் உள்ளது.

இந்த முறை வீனஸ் வில்லியம்ஸ் எளிதான முறையில் வெற்றி பெற்று இறுதியில் நுழைந்துள்ளார் செரீனா வில்லியம்ஸ் சில சவாலான டென்னிஸை எதிர்கொண்டு இறுதிக்கு முன்னேறியுள்ளார்.

இதனால் இன்றைய ஆட்டம் வீனஸ் பாகம் சாதகமாக முடிந்தாலும் ஆச்சரியப் படுவதற்கில்லை.