துப்பாக்கி சுடும் போட்டியில் இந்தியாவின் முன்னணி வீரரான ககன் நராங் புதிய உலக சாதனை படைத்திருக்கிறார்.
ஜெர்மனியில் உள்ள ஹானோவரில் நடைபெற்ற ஒலிம்பிக் தகுதி சுற்றுப் போட்டியில் அவர் இந்த புதிய சாதனையை படைத்துள்ளார்.
கடந்த 2006ம் ஆண்டு ஆஸ்ட்ரேலிய வீரர் தாமஸ் பர்னிக் 703.1 புள்ளிகள் பெற்று சாதனை படைத்திருந்தார். கடந்த வியாழக்கிழமை நடைபெற்ற போட்டியில் ககன் நராங் இந்த சாதனையை முறியடித்துள்ளார். அவர் 704.3 புள்ளிகளை பெற்றுள்ளார்.
ககன் நராங்கின் இந்த சாதனை எதிர்வரும் ஒலிம்பிக் போட்டிகளில் அவர் பதக்கம் வெல்வதை உறுதி செய்திருப்பதாக அவரது பயிற்சியாளர் சன்னி தாமஸ் கூறியுள்ளார்.
|
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க
