கடந்த மாதம் நடைபெற்ற ஆசிய சர்க்யூட் பேட்மின்டன் தொடரில் அபாரமாக விளையாடிய இந்திய பேட்மின்டன் இளம் வீராங்கனை சய்னா நேவால் உலக தரவரிசையில் 18-வது இடத்திற்கு முன்னேறியுள்ளார்.
தேசிய சாம்பியனான இவர் வரும் பீஜிங் ஒலிம்பிக் போட்டிகளில் பங்கேற்கிறார் என்பது குறிப்பிடத்தக்கது.
கடந்த மாதம் நடந்த ஆசிய பேட்மின்டன் தொடரில் முன்னணி வீராங்கனைகளுக்கு தனது சிறப்பான ஆட்டத்தின் மூலம் அதிர்ச்சி அளித்தார் சய்னா. சிங்கப்பூர் ஓபன் பேட்மின்டன் தொடரில் அரையிறுதி வரை முன்னேறினார் இவர்.
ஆடவர் பேட்மின்டன் தரவரிசையில் இந்திய வீரர் அனுப் ஸ்ரீதர் 31-வது இடத்திலும், சேத்தன் ஆனந்த் 41-வது இடத்திலும், அரவிந்த் பட் 42-வது இடத்திலும் உள்ளனர்.
|
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க
