விம்பிள்டன் கிராண்ட் ஸ்லாம் டென்னிஸ் ஆடவர் ஒற்றையர் 2-வது சுற்றுக்கு ஸ்பெயின் வீரர் ரஃபேல் நாடல், பிரிட்டன் வீரர் முர்ரே, அமெரிக்க வீரர் ஆன்டி ரோடிக் ஆகியோர் முன்னேறியுள்ளனர்.
ஆனால் 4-ம் தரவரிசையில் உள்ள ரஷ்ய வீரர் நிகோலே டேவிடென்கோ ஜெர்மனி வீரர் பெஞ்சமின் பெக்கரிடம் 4- 6, 4- 6, 4- 6 என்ற செட்களில் தோற்று முதல் சுற்றிலேயே வெளியேறினார்.
ஆடவர் இரட்டையர் தரவரிசையில் பயஸ்-லூயி இணை, பிரிட்டன் இணையான ஆக்லண்ட்-டெல்கேடோ இணையை 4- 6, 6- 0, 6- 3, 4- 6, 6- 3 என்ற செட்களில் வீழ்த்தி 2-வது சுற்றுக்கு முன்னேறியுள்ளனர்.
ஜெர்மனி வீரர் ஆந்த்ரியாஸ் பெக் என்பவரை ரஃபேல் நாடல் 6- 4, 6- 4, 7- 6 என்ற செட் கணக்கில் எளிதில் வெற்றி பெற்றார்.
12-வது தரவரிசையில் உள்ள பிரிட்டன் வீரர் ஆன்டி முர்ரே பிரான்ஸின் ஃபாப்ரீஸ் சான்டாரோவை 6- 3, 6- 4, 7- 6 என்ற செட்களில் வீழ்த்தி 2-வது சுற்றுக்கு முன்னேறினார்.
சமீப காலங்களில் தடுமாறி வரும் 6-வது தரவரிசை அமெரிக்க வீரர் ஆன்டி ரோடிக் அர்ஜென்டீனாவின் ஷ்வான்க்கை சுலபமாக வீழ்த்தி அடுத்த சுற்றுக்கு தகுதி பெற்றார்.
9-ம் தரவரிசையில் உள்ள அமெரிக்க வீரர் ஜேம்ஸ் பிளேக், அர்ஜென்டீனா வீரர் அகஸ்டின் கல்லேரி, 16-ம் தரவரிசையில் உள்ள செக் வீரர் ஸ்டெபானெக், 19-ம் தரவரிசையில் உள்ள ஸ்பெயின் வீரர் அல்மார்கோ, பிரான்சின் சிமோன் ஆகிய தரவரிசையில் உள்ள வீரர்களும் 2-வது சுற்றுக்கு முன்னேறினர்.
|
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க
