ஜெர்மனியில் நடைபெறும் கெர்ரி வெபர் டென்னிஸ் தொடரில் செக் குடியரசு வீரர் ஜேன் வாசெக் என்பவரை 7- 5, 6- 3 என்று வீழ்த்தி காலிறுதிக்கு தகுதிபெற்றார் சுவிஸ் வீரர் ரோஜர் ஃபெடரர்.
புல்தரைக் களத்தில் ஃபெடரர் பெறும் தொடர்ச்சியான 56-வது வெற்றி இது என்பது குறிப்பிடத்தக்கது.
64 நிமிடங்களில் ஃபெடரர் வெற்றி பெற்றிருந்தாலும், ஃபெடரரின் சில பலவீனங்களை வாசெக் முதல் செட்டில் வெளிப்படச் செய்தார். இரண்டாவது செட்டிலும் வாசெக் அபாரமாக விளையாடி 3- 3 என்று இருந்தார். அதன் பிறகு ஃபெடரர் ஆட்டம் சூடு பிடிக்க வெற்றி சுலபமானது.
|