மகளிருக்கான டென்னிஸ் தரவரிசையில் இந்தியாவின் நட்சத்திர வீராங்கனை சானியா மிர்சா முன்னேற்றமடைந்துள்ளார்.
கடந்த வாரம் நடைபெற்ற பசிபிக் லைப் ஓபன் டென்னிஸ் போட்டியில் சிறப்பாக விளையாடி நான்காவது சுற்றுவரை முன்னேறியதால் இன்று வெளியிடப்பட்ட மகளிர் டென்னிஸ் தர வரிசை பட்டியலில் 917 புள்ளிகளைப் பெற்று இந்தியாவின் சானியா மிர்சா ஒரு இடம் முன்னேறி 32-வது இடத்திலிருந்து 31வது இடத்தில் உள்ளார்.
இந்தியாவின் இரண்டாவது சிறந்த வீராங்கனையான சுனிதா ராவ் ஐந்து இடங்கள் முன்னேறி 170-வது இடத்தில் உள்ளார்.
இந்த பட்டியலில் 6,330 புள்ளிகளைப் பெற்று பெல்ஜியத்தின் ஜஸ்டின் ஹெனின் முதல் இடத்திலும், 4,296 புள்ளிகளைப் பெற்று செர்பியாவின் அனா இவானோவிக் 2-வது இடத்திலும், 3,790 புள்ளிகளைப் பெற்று செர்பியாவின் ஜெலீனா ஜான்கோவிக் மூன்றாவது இடத்திலும் உள்ளனர்.
முதல் மூன்று இடங்களில் இரண்டு இடங்களை செர்பிய வீராங்கனைகள் கைப்பற்றியுள்ளனர் என்பது குறிப்பிடத்தக்கது.
மேலும் இரட்டையர் போட்டியிலும் சானியா மிர்சா சிறப்பாக விளையாடியதால் 25-வது இடத்திலிருந்து 3 இடங்கள் முன்னேறி 22-வது இடத்தில் உள்ளார்.
|
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க