வங்கதேச அணிக்கு எதிராக வரும் சனியன்று துவங்கும் 3 ஒரு நாள் போட்டிகள் தொடரிலிருந்து காயம் காரணமாக மேத்யூ ஹெய்டன் விலகுவதாக கிரிக்கெட் ஆஸ்ட்ரேலியா அறிவித்துள்ளது.
3 ஒரு நாள் போட்டிகள் ஆஸ்ட்ரேலியாவில் நடைபெறுகிறது. ஏற்கனவே அணித்தலைவர் ரிக்கி பாண்டிங் காயம் காரணமாக விலகியுள்ள நிலையில் ஆஸ்ட்ரேலிய அணிக்கு ஹெய்டனின் விலகலும் கவலையை அளித்துள்ளது.
வரும் அக்டோபரில் இந்தியாவிற்கு எதிராக நடைபெறும் 4 டெஸ்ட் போட்டிகள் தொடருக்கு ஹெய்டன் விளையாடுவது அவசியம் என்பதால் அவருக்கு ஓய்வு அளிக்க இது ஒரு நல்ல சந்தர்ப்பம் என்று கிரிக்கெட் ஆஸ்ட்ரேலியா தெரிவித்துள்ளது.
இவருக்கு பதிலாக வேறு வீரரை இன்னமும் ஆஸ்ட்ரேலியா அறிவிக்கவில்லை. மைக்கேல் கிளார்க் அணித் தலைமை பொறுப்பை ஏற்றுள்ளார்.
போட்டிகள் டார்வின் மைதானத்தில் நடைபெறுகின்றன.
|
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க