புதன் கிழமை நடைபெறும் டெக்கான் சார்ஜர்ஸ் அணிக்கு எதிரான ஆட்டத்தில் டெல்லி டேர் டெவில்ஸ் அணித் தலைவர் விரேந்திர சேவாக் விளையாடுவார் என்று அந்த அணியின் தற்காலிக தலைவர் கௌதம் கம்பீர் தெரிவித்துள்ளார்.
விரலில் ஏற்பட்ட காயம் காரணமாக கடந்த சில போட்டிகளில் பங்கேற்காத சேவாக், காயத்திலிருந்து முழுதும் குணமடைந்து மீண்டும் விளையாடவிருப்பதாக கம்பீர் செதியாளர்களிடம் தெரிவித்தார்.
சேவாகிற்கு பதிலாக விளையாடிய ஆஸ்ட்ரேலிய இளம் புயல் டேவிட் வார்னர் தனக்கு அளித்த வாய்ப்பை இருகரங்களாலும் பற்றி தக்கவைத்துள்ளார்.
விரேந்திர சேவாக் இல்லாமல் வெற்றி பெற்றுள்ளோம் எனும்போது அவர் விளையாடுகிறார் என்ற செய்தி எதிரணியினருக்கு மேலும் அச்சுறுத்தலைக் கொடுக்கும் என்று தான் கருதுவதாக கம்பீர் தெரிவித்தார்.
மேலும் சிறப்பான பந்து வீச்சாளர் கிளென் மெக்ரா விளையாடாமலேயே அந்த அணி போட்டிகளை வென்றுள்ளது என்பதும் குறிப்பிடத்தக்கது. |
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க