தங்கத் தேரில் பத்மாவதி தாயார் பவனி! செவ்வாய், 1 ஏப்ரல் 2008( 16:42 IST )

webdunia photo WD திருப்பதி அருகே உள்ள திருச்சானூரில் கோயில் கொண்டுள்ள பத்மாவதி தாயார் முதன் முறையாக தங்கத் தேரில் பவனி வந்தார். பத்மாவதி தாயாரின் உற்சவ சிலை கோயிலில் இருந்து ஆஸ்தான மண்டபம் வரை தங்கத் தேரில் ஊர்வலமாகக் கொண்டு வரப்பட்டது. அலமேலு மங்காபுரம் என்று அழைக்கப்படும் திருச்சானூரில் உள்ள பத்மாவதி தாயார் திருக்கோயிலுக்கு திருமலை திருப்பதி தேவஸ்தானம் சார்பில் தங்கத் தேர் வழங்கப்பட்டது. இந்த தங்க ரதத்தில் பத்மாவதி தாயார் முதன் முறையாக பவனி வரும் நிகழ்ச்சி நேற்று இரவு வெகு விமரிசையாக நடைபெற்றது. இந்த நிகழ்ச்சியில் ஆயிரக்கணக்கான பக்தர்கள் கலந்து கொண்டு பத்மாவதி தாயாரை வணங்கினர். 22 கி.கி. தங்கமும், 1,022 கி.கி. செப்பும் சேர்த்து செய்யப்பட்ட 20 அடி உயரமுள்ள இந்த தங்க ரதத்தின் மதிப்பு சுமார் 2 கோடி ரூபாய் ஆகும்.