அ.இ.அ.தி.மு.க.வின் 37-வது ஆண்டு துவக்க விழாவையொட்டி, இம்மாதம் 17ஆம் தேதி முதல் 19ஆம் தேதி வரை பொதுக்கூட்டங்கள் நடைபெறும் என்று அக்கட்சியின் பொதுச்செயலர் ஜெயலலிதா அறிவித்துள்ளார்.
இது தொடர்பாக அவர் இன்று வெளியிட்டுள்ள அறிக்கையில், "அ.இ.அ.தி.மு.க. தொடங்கி 36 ஆண்டுகள் நிறைவடைந்து, வருகின்ற 17ஆம் தேதி 37-வது ஆண்டு தொடங்குவதைக் கொண்டாடும் வகையில், அன்றைய தினம் நாமக்கல் மாவட்டம், ராசிபுரத்திற்குச் சென்று, அங்கு நிறுவப்பட்டுள்ள புரட்சித் தலைவர் எம்.ஜி.ஆர். திருவுருவச்சிலையைத் திறந்து வைத்து, கட்சிக் கொடியினை ஏற்றி பொதுக்கூட்டத்தில் சிறப்புரையாற்றுகிறேன்.
இதைத்தொடர்ந்து, 18, 19ஆம் தேதி தமிழகத்தில் உள்ள அனைத்து ஒன்றியங்கள், நகரங்களிலும், அ.இ.அ.தி.மு.க. அமைப்புகள் செயல்பட்டுக் கொண்டிருக்கும் புதுச்சேரி, கர்நாடகா, கேரளா, மகராஷ்டிரா, ஆந்திரா, புதுடெல்லி, அந்தமான் உள்ளிட்ட பிற மாநிலங்களிலும் பொதுக் கூட்டங்கள் நடைபெற உள்ளன" என்று ஜெயலலிதா கூறியுள்ளார். | 
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க