வண்டலூர் அருகே ஒரு நகைக்கடையில் ரூ.20 லட்சம் மதிப்புள்ள நகைகளை கொள்ளையர்கள் கொள்ளையடித்து சென்றுள்ளனர்.
சென்னை வண்டலூர் அருகே கொளப்பாக்கத்தில் உள்ள அடகுகடையில் இன்று அதிகாலை கொள்ளையர்கள் கதவை உடைத்து உள்ளே சென்று 650 கிலோ இரும்பு பெட்டகத்தை தூக்கி சென்றுள்ளனர்.
கடையில் இருந்து 200 மீட்டர் தூரத்துக்கு பெட்டியை தூக்கிச் சென்ற கொள்ளையர்கள் அதை உடைத்து நகைகளை எடுத்து சென்றுள்ளனர்.
தகவல் அறிந்து காஞ்சிபுரம் மாவட்ட காவல்துறை கண்காணிப்பாளர் பெரியய்யா விரைந்து வந்து விசாரணை நடத்தினார்.
இரும்புபெட்டகம் கனமாக இருந்ததால் 5 அல்லது 6 பேர் கொண்ட கும்பல் இதை தூக்கி சென்றிருக்கலாம். சிறு சிறு நகைகளை போட்டு விட்டு பெரிய நகைகளை எடுத்து சென்றுள்ளனர் என்று பெரியய்யா கூறினார்.
மேலும் அவர் கூறுகையில், கொள்ளையர்களை பிடிக்க 5 தனிப்படை அமைக்கப்பட்டுள்ளது என்று தெரிவித்தார்.
கொள்ளை போன நகைகளின் மதிப்பு ரூ.20 லட்சம் என்றும், ரொக்கப் பணம் ரூ.60 ஆயிரம் என்றும் கடை உரிமையாளர் வினோத்குமார் ஜெயின் கூறினார்.
|
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க