சேலம் மாவட்டம் சங்ககிரி அருகே விரைவு ரெயில் இன்ஜினில் ஏற்பட்ட தீ விபத்தில் 14 ரெயில்கள் தாமதமாக சென்றது.
கேரளாவில் இருந்து கர்நாடக மாநிலம் யஷ்வந்த்பூருக்கு நேற்று இரவு விரைவு ரெயில் சென்று கொண்டிருந்தது.
ரெயில் சேலம் மாவட்டம் சங்ககிரி அருகே வந்த ரெயில் இன்ஜினில் தீ பிடித்து எரிந்தது.
இதை பார்த்த ரெயில்வே காவலர்கள் உடனடியாக ரெயிலை நிறுத்தி பயணிகளை இறக்கினர். தீயணைப்பு துறையினர்கள் விரைந்து வந்து 3 மணி நேர போராட்டத்துக்கு பிறகு தீயை அணைத்தனர்.
இந்த தீ விபத்தில் பயணிகள் அதிர்ஷ்டவசமாக உயிர் தப்பினர். பின்னர் மாற்று இன்ஜின் பொருத்தப்பட்டு ரெயில் புறப்பட்டு சென்றது.
இந்த விபத்தால் அந்த வழியாக செல்லும் 14 ரெயில்கள் தாமதமாக சென்றன. இது குறித்து ரெயில்வே காவலர்கள் விசாரித்து வருகின்றனர்.
|
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க