ஈரோடு அருகே மனைவி மற்றும் மாமியாரை வெட்டிக்கொன்ற நபரை காவல்துறையினர் தேடி வருகின்றனர்.
ஈரோடு மாவட்டம் சத்தியமங்கலம் அடுத்துள்ளது புன்செய்புளியம்பட்டி. இங்குள்ள கோவை ரோட்டில் வசிப்பவர் வெள்ளிங்கிரி (42). இவருடைய மனைவி சுமதி (39). இவர்களுக்கு கன்னிகாதேவி (11) திருமூர்த்தி (17) என்ற குழந்தைகள் உள்ளனர்.
இவர்களுடன் சுமதியின் தாய் சின்னம்மாள் (75) வசித்து வருகிறார். நேற்று இரவு வெள்ளிங்கிரிக்கும் அவரது மனைவி சுமதிக்கும் தகராறு ஏற்பட்டது. பின் இரவு வழக்கம்போல் அனைவரும் தூங்கிவிட்டனர்.
அப்போது திடீரென எழுந்த வெள்ளிங்கிரி தன் மனைவி சுமதி மற்றும் மாமியார் சின்னம்மாள் ஆகியோரை அரிவாமனையால் வெட்டிக்கொன்றுவிட்டு தலைமறைவானார்.
இது குறித்து தகவல் தெரிந்ததும் புன்செய்புளியம்பட்டி காவல் துறையினர் வழக்கு பதிவு செய்து இறந்த சுமதி மற்றும் சின்னம்மாள் பிரேதங்களை கைப்பற்றி சத்தியமங்கலம் அரசு மருத்துவமனைக்கு அனுப்பி வைத்தனர். மேலும் தலைமறைவான வெள்ளிங்கிரியை தேடி வருகின்றனர். இந்த இரட்டை கொலை இப்பகுதியில் பரபரப்பை ஏற்படுத்தியுள்ளது.
|
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க