ஜெய்ப்பூரில் நேற்று இரவு நடத்தப்பட்ட தொடர் குண்டுவெடிப்பை தொடர்ந்து அங்கு ஊரடங்கு உத்தரவு பிறப்பிக்கப்பட்டுள்ளது.
ராஜஸ்தான் மாநிலம் ஜெய்ப்பூரில் நேற்று 7.40 மணிக்கு 7 இடங்களில் குண்டுகள் வெடித்தது. தீவிரவாதிகள் நடத்திய இந்த திடீர் தாக்குதலில் பொது மக்கள் 80 பேர் பலியானார்கள். 200க்கு மேற்பட்டோர் படுகாயமடைந்தனர்.
வழிபாட்டு தலங்கள், மார்க்கெட் மற்றும் மக்கள் அதிக நடமாட்டம் உள்ள பகுதிகளில் இந்த தாக்குதல் நடத்தப்பட்டது. இதனால் மாநிலம் முழுவதும் பதற்றம் ஏற்பட்டுள்ளது. அசம்பாவிதம் ஏதும் நிகழாமல் இருக்க காவல்துறையினர் ரோந்து சுற்றி வருகின்றனர்.
இந்த நிலையில் அசம்பாவிதம் ஏதும் நடக்காமல் இருக்க ஜெய்ப்பூரில் ஊரடங்கு உத்தரவு பிறப்பிக்கப்பட்டுள்ளது.
இந்த ஊரடங்கு உத்தரவை முன் எச்சரிக்கை நடவடிக்கையாக பிறப்பித்திருப்பதாக கூறிய மாவட்ட ஆட்சியர் அகில் அரோரா, காலை 9 மணி முதல் மாலை 6 மணி வரை இது நடைமுறையில் இருக்கும் என்றார்.
லால் கோத்தி, ஆதர்ஷ் நகர், டிரான்ஸ்போர்ட் நகர், மானக் சௌக், சுபாஷ் சௌக், ராம் கஞ்ச் கல்தா கேட், பிரம்மபுரி, பத்தா பாஸ்தி, கோட்வாலி, நஹர்கார், சஞ்சய் சர்க்கிள், ஜாலுபுரா, ஹஸன்புரா சௌகி ஆகிய இடங்களில் ஊரடங்கு உத்தரவு பிறப்பிக்கப்பட்டுள்ளது.
பலியானோர்கள் இறுதி ஊர்வலம் நடத்த அனுமதி அளிக்கப்பட்டுள்ளது.
|
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க