சர்வதேச விண்வெளி மையத்திற்கு இறுதிப் பயணம் மேற்கொள்ள உள்ள எண்டேவர் விண்கலத்தின் எரிபொருள் கலன் சீரமைப்புப் பணி முற்றிலுமாக நிறைவடைந்து விட்டதாக நாசா தெரிவித்துள்ளது.
எண்டேவர் விண்கலத்தின் ஹைட்ரஜன் வாயு கொள்கலனில் ஏற்பட்ட கோளாறு காரணமாக கடந்த 2 முறை அதன் விண்வெளிப் பயணம் காலதாமதம் ஆனது. தனது இறுதிப் பயணத்தை மேற்கொள்ளும் எண்டேவர் விண்கலத்தின் எரிபொருள் கலனில் ஏற்படும் இதுபோன்ற இடர்பாடுகளைத் தவிர்க்க நாசா விஞ்ஞானிகள் நடவடிக்கை மேற்கொண்டனர்.
அதன்படி, எண்டேவர் விண்கலத்தில் 2 மில்லியன் லிட்டர் எரிபொருள் (திரவ ஹைட்ரஜன் மற்றும் திரவ ஆக்சிஜன்) நிரப்பி பரிசோதிக்கப்பட்டது. இதன் முடிவில் எரிபொருள் கொள்கலனில் எந்தவித பாதிப்பும் ஏற்படவில்லை என நாசா விஞ்ஞானிகள் நேற்று தெரிவித்தனர்.
எண்டேவர் விண்கலத்தை விண்ணில் ஏவும் திட்டப்பணிகள் அனைத்தும் வெற்றிகரமாக நடந்து வருவதால் வரும் ஜூலை 11ஆம் தேதி அது விண்ணில் ஏவப்படும் எனத் தகவல்கள் தெரிவிக்கின்றன. | 
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க