முதன்மை பக்கம் > செய்திகள் > செய்திகள் > நே‌ர்முக‌ம் > இலவச கல்விப்பணி மூலம் சமூக மாற்றத்தை ஏற்படுத்துவதே எனது லட்சியம்!
ஆலோசனைகள் / கருத்துக்கள்நண்பருக்கு அனுப்பபிரதி எடுக்க
 
இலவச கல்விப்பணி மூலம் சமூக மாற்றத்தை ஏற்படுத்துவதே எனது லட்சியம்!
சைதை. துரைசசாமியுடன் நேர்காணல்
"செல்வத்துள் செல்வம் செவிச்செல்வம் அச்செல்வம்
செல்வத்துள் எல்லாம் தலை" என்கிறார் வள்ளுவர்.

அன்னச் சத்திரங்கள் ஆயிரம் கட்டி பல்லாயிரக் கணக்கானோருக்கு உணவளிப்பதை விட ஓர் ஏழைக்கு கல்வி அளிப்பது தான் தானத்திலேயே மிக உயர்ந்த தானம் என்கிறது தமிழ் மூதுரை.

ஆனால், வணிக யுகமாகிப் போன இந்த காலக் கட்டத்தில், கல்வியை இலவசமாக கற்றுத்தர எவரும் முன்வருவதில்லை. அதனால், 2009ஆம் ஆண்டான இந்த காலத்தில் பெரும்பாலான ஏழை எளிய மக்களுக்கு உயர் கல்வி என்பது ஓர் எட்டாக்கனியாகவே இருந்து வருகிறது. அவர்களுக்கு நாட்டின் முக உயரிய பணிகளாக கருதப்படும் இந்திய ஆட்சிப் பணிகளான ஐ.ஏ.எஸ்., ஐ.பி.எஸ். போன்ற பணிகளும் பகல் நேர கனவாகத்தான் உள்ளது.

webdunia photoWD
இதையெல்லாம் உணர்ந்து தான், ஏழை மாணவ, மாணவிகள் பயன் பெறுவதற்காகவே தனது மனிதநேய அறக்கட்டளை சார்பில் ஏழை, எளிய மாணவ, மாணவிகள் பயன்பெறும் வகையில், இலவச ஐ.ஏ.எஸ்., ஐ.பி.எ.ஸ். பயிற்சி மையத்தை நடத்தி வருகிறார் தமிழக முன்னாள் சட்டசபை உறுப்பினரும், மனித நேயமிக்க சமூக சேவகருமான சைதை. துரைசாமி.

தமிழகம் முழுவதிலுமிருந்து ஏழை மாணவர்களை தேர்வு செய்து, சிறப்பான முறையில் இலவசப் பயிற்சி அளித்து, அவர்களுக்குத் தேவையான புத்தகங்கள், தங்குமிடம், உணவு ஆகியவற்றையும் இலவசமாகவே அளித்து வருகிறது மனிதநேய அறக்கட்டளை.

இந்த ஆண்டு இந்திய அரசுப் பணித் தேர்வில் இந்தியா முழுவதிலும் இருந்து தேர்வு எழுதியவர்களில் 791 பேர் இந்திய அரசுப் பணிகளான இந்திய ஆட்சிப் பணி (ஐஏஎஸ்), இந்திய காவற்பணி (ஐபிஎஸ்), இந்திய அயலுறவுப் பணி (ஐஈஎஸ்) ஆகியவற்றிற்குத் தேர்வாகியுள்ளனர். இவர்களின் 96 பேர் தமிழகத்திலிருந்து தேர்வு பெற்றுள்ளனர். இதில் 25 பேர் மனிதநேய அறக்கட்டளை இலவசமாக நடத்தும் சிறப்பு பயிற்சி வகுப்பில் பயின்று தேர்வு பெற்றவர்கள். இந்த மையத்திலிருந்து இறுதித் தேர்வில் தேர்ச்சி பெற்றவர்களில் 65 பேர் நேர்காணலிற்குத் தகுதி பெற்றனர். அவர்களி்ல் 25 பேர் இந்திய அரசுப் பணிக்குத் தேர்வாகியுள்ளனர். கடந்த ஆண்டு இம்மையத்தில் பயிற்சி பெற்று தேர்வெழுதியவர்களில் 12 பேர் தேர்வு பெற்றனர் என்பது குறிப்பிடத்தக்கது.

இதைஅறிந்து உலகின் பல்வேறு பகுதிகளில் இருந்தும் பாராட்டுக்களும், வாழ்த்துக்களும் குவிந்து வருகிறது மனித நேய அறக்கட்டளையின் தலைவர் சைதை. துரைசாமிக்கு. பாராட்டு மழையில் திக்குமுக்காடிக் கொண்டிருந்த அவரை தமிழ்.வெப்துனியா.காம் இணையத்தளத்துக்காக நேர்காணல் செய்தோம்.

ஏழை மாணவ, மாணவியரை வருங்கால மாவட்ட ஆட்சித் தலைவர்கள், காவல்துறை துறை அதிகாரிகள் மற்றும் அரசு உயர் அதிகாரிகளாக மாற்ற முயற்சிப்பது ஏன்? என்பது குறித்தும், தனது எதிர்கால சேவைத் திட்டங்கள் குறித்தும் நம்மிடம் மனம் திறந்து பகிர்ந்துகொள்கிறார் சைதை.துரைசாமி.

தமிழ்.வெப்துனியா: மனிதநேய அறக்கட்டளை சார்பில் தாங்கள் நடத்திவரும் இலவச ஐ.ஏ.எஸ்., ஐ.பி.எஸ். பயிற்சி மையத்தில் பயின்ற மாணவ, மாணவியர்கள் 25 பேர் இந்த ஆண்டுக்கான இந்திய அரசுப் பணிகளுக்கு தேர்வு பெற்றுள்ளனர். இதற்கு எங்களது தமிழ்.வெப்துனியா.காம் இணையதளம் சார்பில் பாராட்டுக்களை தெரிவித்துக் கொள்கிறோம். தமிழகத்தில் தனியொரு நிறுவனமாக எந்த பயிற்சி நிறுவனமும் இந்த அளவுக்கு ஒரே தேர்வில், இத்தனை மாணவ, மாணவிகளை தேர்ச்சி பெறச் செய்ததில்லை. அந்த சாதனையை நீங்கள் புரிந்திருக்கிறீர்கள். இந்த சாதனைக்கு எதை முக்கிய காரணமாக கூறுகிறீர்கள்?

சைதை துரைசாமி: நமது மையத்தின் சார்பாக தேர்ந்தெடுக்கப்படுகின்ற மாணவ, மாணவிகள் ஒரு மதத்தை சார்ந்தவர்கள் அல்லது ஓரு ஜாதியை சார்ந்தவர்கள் என்ற கண்ணோட்டத்தில் நாங்கள் பார்ப்பதில்லை. தகுதியும் திறமையும் உள்ள பொருளாதாரத்தில் பின்தங்கிய மாணவ, மாணவிகளை தேடி கண்டுபிடித்து தகுதி இருப்பவர்களுக்கு நல்ல முறையில் வழிகாட்டுகின்ற ஒரு தன்மையை இந்த மையம் கொண்டுள்ளது.

பல பேருக்கு ஐ.ஏ.எஸ் அல்லது ஐ.பி.எஸ் ஆக வேண்டும் என்ற ஆசை, ஆர்வம் இருகிறது. அவர்களுக்கு சரியான வழிகாட்டுதல் இல்லை. அப்படிப்பட்ட மாணவ, மாணவிகளுக்கு முறையாக வழிகாட்டும் மையமாக இது திகழ்ந்துகிறது. அதற்காக பல நிபுணர்களை, சிறந்த பயிற்சியாளர்களை தேடிகண்டுபிடித்து கொண்டுவந்து சிறந்த பொது அறிவுத்திறன் பயிற்சி அளிக்கிறோம்.
1 | 2 | 3  >>  
தேட‌ல் தொட‌ர்பான தகவ‌ல்க‌ள்
மேலும்
குடும்பமும் சேவையும் வேறுபட்டவையல்ல – முரளிதரன்
நான் செய்வது பாரதியின் சரஸ்வதி பூஜை
சோனியா உத்தரவாதம் அளித்தால்தான் உண்ணாநிலை கைவிடப்படும்!
நான் பேசினால் எரிச்சல் அடைகிறார்கள் – சீமான்
சிறிலங்கா ஒரு இனவெறி அரசு – தா. பாண்டியன்