நோயாளிகளுக்கு கடுமையான, நீண்டகாலமாக வலி நீடிப்பதற்கு காரணம், பிறை வடிவ செல் நோய் தாக்கம் தான் என்று விஞ்ஞானிகள் கண்டறிந்துள்ளனர்.
பிறை வடிவ செல் நோய் என்பது மென்மையான இரத்த சிவப்பு செல்களின் மரபணுவை தூண்டி, வட்ட வடிவமான இரத்த செல்களை பிறை வடிவத்திற்கு அல்லது சி வடிவத்திற்கு மாற்றுவதுடன், அவற்றைக் கடினத்தன்மை கொண்டதாக மாற்றுகின்றன. இது இரத்த நாளங்களில் தடை அல்லது அடைப்பை உருவாக்கவல்லது.
இவ்வாறு அடைப்பு ஏற்படுவதால் உடலின் அவயங்களுக்கு செல்லும் இரத்த ஓட்டம் தடைப்பட்டு கடுமையான வலி, தொற்று நோய் தாக்குதலுக்கு ஏதுவாகிறது. மேலும் நுரையீரல், சிறுநீரகம், மூளை, மண்ணீரல் ஆகியவற்றின் உறுப்புக்களைச் சிதைக்கிறது.
இதுத் தொடர்பான ஆய்வை 232 நோயாளிகளிடம் மேற்கொண்ட வெர்ஜினியா காமன்வெல்த் பல்கலைக் கழகத்தைச் சேர்ந்த மருத்துவர் வாலி ஸ்மித் குழுவினர், நோயாளிகளுக்கு நாள்தோறும் உள்ள வலி நிலையை நாட்குறிப்பெடுக்க அறிவுறுத்தினர். இந்த ஆராய்ச்சிக்கு முன்பு மேற்கொள்ளப்பட்ட ஆராய்ச்சிகளில் நோயாளிக்கு உதவி தேவைப்படாத நிலையில் அவருக்கு வலியில்லை என்று கூறப்பட்டது.
நோயாளிகளின் நாட்குறிப்பைச் சோதனைச் செய்ததில் பெரும்பாலான நாட்கள் வலிக்கு உள்ளாகியிருப்பதும், ஒவ்வொரு மூன்றாவது நோயாளியும் நாள்தோறும் வலியால் பாதிக்கப்படுவது தெரிய வந்ததாக ஆராய்ச்சியாளர்கள் கூறியுள்ளனர்.
இந்த ஆய்வின் மிக முக்கியமான முடிவு, பிறை செல் நோய் அன்றாட நிகழ்வுதான் என்பதும், இந்த வலி உள்ளவர்கள் மருத்துவமனைகளுக்கோ, அவசர சிகிச்சை மையங்களுக்கோ செல்லாமல் வலியுடன் நாட்களைக் கடத்தி வருவதாக மருத்துவர் ஸ்மித் கூறியுள்ளார்.
இந்த ஆய்வு முடிவுகள் வலி தொடர்பான மக்களின் பார்வையை மாற்றும் என்றும் தெரிவித்துள்ளார். பிறை வடிவ செல் சமூகத்தின் மருத்துவ ஆலோசகரான அலிசன் ஸ்டிரிட்லி இந்த வலி நோய் தொடர்பான விழிப்புணர்வை மக்களிடையே உருவாக்கும் என்று கூறியுள்ளார்.
இந்த நோயின் தன்மையை பெரும்பாலானோர் தவறாக கணிப்பதாகவும், அந்த நோயுடனே தங்கள் வாழ்க்கையை இந்நோய் தாக்கிய மக்கள் வாழ்ந்து வருவதாகவும் அவர் தெரிவித்துள்ளார்.
வலியில் இருந்து தற்காத்துக் கொள்ளவும், வலியில் இருந்து மீளவும் இன்னும் அதிக புதிய மருந்துகள் தேவை. மேலும் கடுமையான வலியால் அவதிப்படும் நோயாளிகளுக்கு சிகிச்சையளிக்க தலைச்சிறந்த சிகிச்சை முறைகள் தேவை என்றும் மருத்துவர் ஸ்மித் கூறியுள்ளார்.
|
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க