இந்த வதக்கல் இட்லி மாலை உணவிற்கு மிகவும் ஏற்றது.
செய்யத் தேவையானவை
இட்லி மாவு - 1/2 கிலோ
இட்லி மிளகாய்ப் பொடி - 4 டேபிள் ஸ்பூன்
பெரிய வெங்காயம் - 2
பச்சை மிளகாய் - 1
கறிவேப்பிலை, மல்லித்தழை
செய்யும் முறை
மாவை சிறு சிறு இட்லி தட்டுகளில் ஊற்றி வேகவைத்து எடுங்கள்.
வெங்காயத்தைப் பொடியாக நறுக்கிக் கொள்ளுங்கள். பச்சை மிளகாய் கீறி வைத்துக் கொள்ளுங்கள்.
கடாயில் எண்ணெயைக் காயவைத்து, வெங்காயத்தைச் சேர்த்து வதக்கி, அத்துடன் சிறிது உப்பு சேருங்கள். பச்சை மிளகாயைப் போடவும்.
வெங்காயம் பொன்னிறமாக வதங்கியதும் வேக வைத்து எடுத்த இட்லி, இட்லிப் பொடி ஆகியவற்றை ஒன்றன் பின் ஒன்றாக போட்டு லேசாக கிளறி விடவும்.
இட்லியுடன் இட்லி பொடி நன்கு கலந்ததும் கறிவேப்பிலை, மல்லித்தழை சேர்த்துக் கிளறி இறக்குங்கள்.
இதற்குத் தொட்டுக்கொள்ள சட்னி போன்று எதுவும் தேவையில்லை. அப்படியே சாப்பிடக்கூடிய அருமையான மாலை உணவு.
|
ஆலோசனைகள் / கருத்துக்கள்
நண்பருக்கு அனுப்ப
பிரதி எடுக்க