கிசு கிசு | இந்திய சினிமா | உலக சினிமா | கட்டுரை | மறக்க முடியுமா | ட்ரெய்லர் | திரையரங்கு-திரைப்படம் | நட்சத்திர பேட்டி | விமர்சனம் | முன்னோட்டம் | ஹாலிவுட் | சினிமா செய்தி
முதன்மை பக்கம் 
பொழுதுபோக்கு » சினிமா » கட்டுரை » தசாவதாரம் இந்துத்துவா பிரதியா?- காக்டெயில் சர்ச்சை!
பொழுதுபோக்கு » சினிமா » கட்டுரை » தசாவதாரம் இந்துத்துவா பிரதியா?- காக்டெயில் சர்ச்சை!
Feedback
Print
தசாவதாரம் இந்துத்துவா பிரதியா?- காக்டெயில் சர்ச்சை! 
சனி, 19 ஜூலை 2008( 20:17 IST )
 | ||
|
''சிவாஜி பார்த்திருந்தா ரத்த வாந்தி எடுத்து செத்திருப்பியே!''
முனியாண்டி சொன்னான், ''இதாம்பா உன்னோடு பேஜாரு. கமல் படம் நல்லா இல்லீன்னா உடனே ரஜினிய இஸ்தாரதா?''
அத்யந்த நண்பர்களான முனியாண்டியும், இஸ்மாயிலும் தங்களது சர்ச்சையை தொடங்கியபோது, வடபழனி சூர்யா மருத்துவமனையை ஒட்டிய அரசு மதுவிடுதியில் முதல் ரவுண்டை முடித்திருந்தனர். மூன்றாவது ரவுண்டின் முடிவில் திக்கலும் திணறலுமாக முனியாண்டி சொன்னவற்றின் உத்தேச தொகுப்பு பின்வருமாறு:
தசாவதாரம் சிறுபான்மையினருக்கும், தலித்துகளுக்கும் எதிரான ஓர் இந்துத்துவா பிரதி. இந்துத்துவாவின் கூறுகள் படம் நெடுக காணக் கிடக்கிறது. இதனை அவன் சொல்லவில்லை. விமர்சகரும், நிழல் இதழின் ஆசிரியருமான திருநாவுக்கரசே சொல்கிறார்.
படத்தில் வரும் தலித் தலைவரின் பெயர் வின்சென்ட் பூவராகவன். தலித்துகள் பூவராகன் என்று பெயர் வைப்பதில்லை. சாதி இந்துக்களே அப்படியான பெயர்களை சூட்டுவார்கள். படத்தின் இறுதியில் கேன்சர் பாதித்த அவ்தார் சிங் பிழைக்கும் போது, பூவராகன் மட்டும் தேவையின்றி சாகடிக்கப்படுகிறார்.