“ஒரு நாள் நம் மகள் புரிந்து கொள்வாள்….” கோலியின் இன்னிங்ஸ் குறித்து அனுஷ்கா சர்மா!
விராட் கோலியின் அபாரமான இன்னிங்ஸை அவரின் மனைவி அனுஷ்கா சர்மா மிகவும் உணர்ச்சிப் பூர்வமாக பாராட்டியுள்ளார்.
நேற்றைய போட்டியில் இந்திய அணியின் நட்சத்திர வீரர் விராட் கோலி, தான் ஒரு மாஸ்டர் என்பதை மீண்டும் ஒருமுறை நிரூபித்துவிட்டார். இந்நிலையில் கிரிக்கெட் ரசிகர்கள் மற்றும் முன்னாள் வீரர்கள் என அனைவரும் அவரைப் பாராட்டி வரும் நிலையில் கோலியின் மனைவி அனுஷ்கா சர்மா, அவர் இன்னிங்ஸ் குறித்து மிகவும் உணர்ச்சிப் பூர்வமாக பதிவிட்டுள்ளார்.
அதில் “மக்களின் வாழ்க்கையில் இன்று நல்ல மகிழ்ச்சியைக் கொடுத்துள்ளீர்கள். என் வாழ்க்கையின் சிறந்த போட்டியை இப்போது பார்த்துள்ளேன். நம் குழந்தை அம்மா ஏன் இப்போது சந்தோஷத்தில் குதிக்கிறார் எனப் புரியாமல் பார்த்துக் கொண்டு இருக்கிறார். ஆனால் ஒருநாள், தனது அப்பா ஒரு கடினமான காலகட்டத்துக்கு பின்னால் சிறந்த ஒரு இன்னிங்ஸை விளையாடியுள்ளார் என்பதை அவர் புரிந்துகொள்வார்” எனக் கூறியுள்ளார்.
