பந்து வீச்சு அபாரம்! இந்தியா மீண்டும் எளிதாக வெற்றி பெற்றது!
20
ஓவர் உலகக் கோப்பை 2வது போட்டியிலும் இந்திய ஸ்பின் பந்து வீச்சு குறிப்பாக அமித் மிஸ்ரா, அஸ்வினின் பந்து வீச்சு பிரமாதமாக அமைய வெஸ்ட் இண்டீஸ் அணியை 7 விக்கெட்டுகள் வித்தியாசத்தில் இந்தியா வீழ்த்தி தொடர்ச்சியாக 2வது வெற்றியைப் பெற்றது. டாஸ் வென்ற தோனி மேற்கிந்திய தீவுகளை பேட் செய்ய அழைக்க அந்த அணி 129 ரன்களுக்கு 7 விக்கெட் என்று மட்டுப்படுத்தப்பட்டது. தொடர்ந்து ஆடிய இந்தியா ரோகித், கோலி அரைசதங்களுடன் 3 விக்கெட்டுகள் இழப்பிற்கு 130 ரன்கள் எடுத்து அபார வெற்றி பெற்றது.
இந்தியா 19.4 ஓவர்களில்தான் இந்த வெற்றியைப் பெற்றது. கடந்த உலகக் கோப்பை போல் நெட் ரன் விகிதம் வந்தால் பிரச்சனைதான். ஆனால் பாகிஸ்தான், வேஸ்ட் இண்டீஸை வீழ்த்திய விதம், இந்தியாவுக்கு அந்தப் பிரச்சனையெல்லாம் இல்லாமலேயே அரையிறுதி வாய்ப்பைப் பெற்றுத் தரும் என்று நம்புவோமாக!