வெள்ளி, 29 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By Mahalakshmi
Last Modified: வியாழன், 18 டிசம்பர் 2014 (12:19 IST)

விஜய்யின் ட்விட்டரில் வெளியிடப்படும் ராஜதந்திரம் படத்தின் டிரைலர்

சன் லாண்ட் சினிமாஸ் மற்றும் ஒயிட் பக்கேட் புரோடக்சன்ஸ் தயாரிப்பில் வீராஇ ரெஜினா கெசன்ரா, பட்டியல்  சேகர் நடிப்பில் அமித் இயக்கத்தில் பிரம்மாண்டமாக உருவாகிவரும் படம் “ராஜதந்திரம்.”
 
படத்தின் பெயருக்கு ஏற்றாற்போல படகுழுவினரும் ராஜதந்திரமாய் தான் செயல்பட்டுவருகிறார்கள்.
படத்தில் முக்கிய கதாபாத்திரங்கள் 6 பேர். அந்த ஆறு கதாபாத்திரங்களுக்கும் அவர்களின் சுபாவம் வெளிப்படும் வகையில் படகுழுவினர் 6 டீசர்களை எடுத்து, 6 திரை நட்சத்திரங்களின் மூலம் ஒவ்வொரு டீசர்களாக வெளியிடுகின்றனர்.
 
மேலும், இப்படத்தின் முழு முன்னோட்டத்தை விஜய்  மூலமாக, அவரது டிவிட்டரில் வெளியிடுகின்றனர். தமிழ் சினிமா வரலாற்றிலேயே ஒரு முன்னோட்டம் டிவிட்டர் மூலமாக வெளியிடப்படுவது இதுவே முதல் முறை.
 
படத்தின் டீசர் மற்றும் டிரைலர் வெளியிட்டவர்கள் மற்றும் வெளியிடயிருப்பவர்கள் விவரம் பின்வருமாறு்:-
 
1. படத்தின் கதை கருவை உணர்த்தும் டீசரை, டிசம்பர் 14 அன்று இசையமைப்பாளர் ஜீ.வி.பிரகாஷ் குமார் தனது டிவிட்டர் மூலமாக வெளியிட்டார்.
 
2. படத்தின் கதாநாயகியான ரெஜினா கெசன்ராவின் சுபாவத்தை வெளிபடுத்தும் டீசரை டிசம்பர் 15 அன்று நடிகை சமந்தா தனது டிவிட்டர் மூலமாக வெளியிட்டார்.
 
3. அஜய் பிரசாத் நடித்த கதாபாத்திரத்தின் சுபாவத்தை வெளிபடுத்தும் டீசரை டிசம்பர் 15 அன்று நடிகை குஷ்பு தனது டிவிட்டர் மூலமாக வெளியிட்டார்.
 
4. டர்புக்கா சிவா நடித்த கதாபாத்திரத்தின் சுபாவத்தை வெளிபடுத்தும் டீசரை டிசம்பர் 16 அன்று நடிகர் பிரேம்ஜி அமரன் தனது டிவிட்டர் மூலமாக வெளியிட்டார்
 
5. இளவரசு நடித்த கதாபாத்திரத்தின் சுபாவத்தை வெளிபடுத்தும் டீசரை டிசம்பர் 16 அன்று நடிகர் , இயக்குனர் வெங்கட்பிரபு தனது டிவிட்டர் மூலமாக வெளியிட்டார்
 
6. நடிகர் கிருஷ்ணா அவர்கள் தன் தந்தை பட்டியல்  சேகர் நடித்த கதாபாத்திரத்தின் சுபாவத்தை வெளிபடுத்தும் டீசரை வரும் டிசம்பர் 17 அன்று தனது டிவிட்டர் மூலமாக வெளியிடவுள்ளார்.
 
7. நடிகர் சிம்பு அவர்கள் இப்படத்தின் கதாநாயகன் வீரா தோன்றும் டீசரை வரும் டிசம்பர் 17 அன்று தனது டிவிட்டர் மூலமாக வெளியிடவுள்ளார்.
 
8. இளைய தளபதி விஜய் அவர்கள் இப்படத்தின் முழு முன்னோட்டத்தை (டிரைலர்) வரும் 18 அன்று தனது டிவிட்டர் மூலமாக வெளியிடவுள்ளார்.
 
முன்னோட்டத்தை வெளியிடும் படக்குழுவினரின் வித்தியாசமான அணுகுமுறை பலரை வெகுவாக கவர்ந்துள்ளது. படம் ஜனவரியில் தமிழ் ரசிகர்களின் கண்களுக்கு விருந்தாக அமையவுள்ளது.