ஜீ.வி.பிரகாஷை இயக்கும் வெற்றிமாறன்
வட சென்னை படத்தை நிறுத்திய வெற்றிமாறன், ஜீ.வி.பிரகாஷ் நடிப்பில் ஒரு படத்தை இயக்குகிறார்.
ஜீ.வி.பிரகாஷுக்கு வாரம் இரண்டு பட வாய்ப்புகள் வருகின்றன. அவரும் தொடர்ந்து அந்த வாய்ப்புகளை ஒப்புக் கொண்டு வருகிறார். வெற்றிமாறன் இயக்கும் புதிய படத்திலும் நடிக்க ஒப்புக் கொண்டுள்ளார்.
வட சென்னை நிறுத்தி வைக்கப்பட்ட நிலையில், ஜீ.வி.பிரகாஷ் நடிப்பில் மார்ச்சில் ஒரு படத்தை வெற்றிமாறன் தொடங்குகிறார். ஸ்ரீக்ரீன் நிறுவனம் இந்தப் படத்தை தயாரிக்கிறது.
படம் குறித்தும், அதில் நடிப்பவர்கள் குறித்தும் விரைவில் அதிகாரப்பூர்வமாக அறிவிக்க உள்ளனர்.
