சூர்யாவின் ‘தானா சேர்ந்த கூட்டம்’ ஃபர்ஸ்ட் லுக் தேதி அறிவிப்பு

சூர்யா நடித்துவரும் ‘தானா சேர்ந்த கூட்டம்’ படத்தின் ஃபர்ஸ்ட் லுக் வெளியாகும் தேதி அறிவிக்கப்பட்டுள்ளது.

விக்னேஷ் சிவன் இயக்கத்தில் சூர்யா நடித்துவரும் படம் ‘தானா சேர்ந்த கூட்டம்’. இன்னும் 10 நாட்களில் மொத்தப் படத்தின் ஷூட்டிங்கும் முடிய இருக்கிறது. இந்தப் படத்தின் டீஸர், சூர்யாவின் பிறந்த நாளான ஜூலை 23ஆம் தேதி ரிலீஸாகும் என எதிர்பார்க்கப்பட்டு வருகிறது.

இந்நிலையில், ஃபர்ஸ்ட் லுக் ஜூலை முதல் வாரத்தில் ரிலீஸாகும் என ட்விட்டரில் அறிவித்துள்ளார் விக்னேஷ் சிவன். இதனால், சூர்யா ரசிகர்கள் மகிழ்ச்சியில் ஆழ்ந்துள்ளனர். இந்தப் படத்தில் கீர்த்தி சுரேஷ் நாயகியாக நடிக்க, செந்தில், கார்த்தி, ரம்யா கிருஷ்ணன் ஆகியோர் முக்கிய வேடங்களில் நடிக்கின்றனர். அனிருத் இசையமைக்கிறார்.