சன்னிலியோனுக்கு மீண்டும் திருமணமா? டுவீட் ஏற்படுத்திய குழப்பம்

பிரபல பாலிவுட் நடிகை கவர்ச்சி நடிகை சன்னிலியோன் முதன்முறையாக தமிழில் 'வீரமாதேவி' என்ற படத்தில் ராணியாக நடித்து வருகிறார். இந்த படத்திற்காக அவர் வாட்பயிற்சி, குதிரையேற்றம் ஆகிய பயிற்சியில் ஈடுபட்டு வருகிறார். இந்த படத்தின் படப்பிடிப்பு சமீபத்தில் தொடங்கி விறுவிறுப்புடன் நடந்து வருகிறது.

இந்த நிலையில் இன்று அவர் தனது டுவிட்டரில் தான் மிண்டும் ஒரு திருமணம் செய்யவுள்ளதாகவும், இந்த தகவலை நீங்கள் எதிர்பார்த்தீர்களா? என்பது எனக்கு தெரியாது, ஆனால் எனது திருமணம் ஏன் என்று உங்களுக்கு தெரியுமா? என்ற கேள்வியுடன் தனது டுவீட்டை நிறுத்தியுள்ளார்.

இந்த டுவீட்டை பார்த்து ஒருசிலர் வாழ்த்துக்களும், ஒருசிலர் ஏன் இன்னொரு திருமணம் என்றும் கேள்வி எழுப்பி வருகின்றனர். அனேகமாக அவர் நடித்து வரும் படத்தில் உள்ள திருமண காட்சியை அவர் குறிப்பிடுவதாக பெரும்பாலானோர் தெரிவித்துள்ளனர்.