அஜித் 57 படத்தின் தலைப்பு என்ன? சமூகவலைதளங்களில் குழப்பம்!
நடிகர் அஜித், நடித்து வரும் ‘தல 57’ படத்திற்கு இன்னும் தலைப்பு வைக்கப்படாத நிலையில், அப்படத்திற்கு இதுதான் தலைப்பு என்று சமூக வலைத்தளத்தில் குழப்பம் ஏற்பட்டுள்ளது.
அஜித் நடித்து சமீபத்தில் வெளிவந்த ‘வீரம்’, ‘வேதாளம்’ ஆகிய படங்கள் ஆங்கிலத்தில் V என்று தொடங்கும் படியாக இருந்தது. இந்த படங்கள் பெரிய அளவில் ஹிட்டாகியுள்ளதால், அஜித் தற்போது நடிக்கும் படத்திற்கும் ஆங்கிலத்தில் V வரும்படியான தலைப்பு தான் வைக்கப்படும் என்று ஒரு செய்தி பரவியது.
இதையடுத்து, இப்படத்திற்கு ‘வதம்’ அல்லது ‘விவேகம்’ இந்த தலைப்புகளில் ஏதாவது ஒன்றை தேர்வு செய்ய படக்குழுவினர் முடிவு செய்ததாக தகவல்கள் வெளியானது.
இந்நிலையில், வருகிற பிப்ரவரி 2-ந் தேதி இப்படத்தின் பர்ஸ்ட் லுக் போஸ்டரை வெளியிட படக்குழு முடிவு செய்திருப்பதாக வெளிவந்துள்ளது.
அப்போது இப்படத்தின் தலைப்பு குறித்த வதந்திகளுக்கு விரைவில் முற்றுப்புள்ளி வைக்கப்படும் என எதிர்பார்க்கப்படுகிறது.
