தெலுங்கு, ஹிந்தியில் விலைபோன சந்தானம்

சந்தானம் நடித்துள்ள ‘சர்வர் சுந்தரம்’ படத்தின் தெலுங்கு மற்றும் ஹிந்தி ரீமேக் உரிமை விற்பனையாகியுள்ளது.

சந்தானம் நடிப்பில் ரிலீஸுக்குத் தயாராக உள்ள படம் ‘சர்வர் சுந்தரம்’. பிரபல நகைச்சுவை நடிகர் நாகேஷ் நடிப்பில் வெளியான படத்தின் தலைப்பு இது. உணவு மற்றும் காமெடியை மையப்படுத்தி எடுக்கப்பட்டுள்ள இந்தப் படத்தை, ஆனந்த் பால்கி இயக்கியுள்ளார். சந்தானம் ஜோடியாக வைபவி சாண்டில்யா நடிக்கிறார்.

கெனன்யா ஃபிலிம்ஸ் நிறுவனம் தயாரித்துள்ள இந்தப் படம், ரம்ஜானுக்கு ரிலீஸாவதாக அறிவிக்கப்பட்டது. ஆனால், ‘வனமகன்’, ‘அன்பானவன் அசராதவன் அடங்காதவன்’ என பெரிய படங்கள் ரிலீஸாவதால், படத்தின் ரிலீஸை ஜூலைக்கு ஒத்தி வைத்துள்ளனர். இந்தப் படத்தின் தெலுங்கு மற்றும் ஹிந்தி ரீமேக் உரிமையை, லிங்க பைரவி கிரியேஷன்ஸ் நிறுவனம் வாங்கியுள்ளது.