ஐந்தாம் வகுப்புப் பாடபுத்தகத்தில் ரஜினிகாந்த் – கண்டக்டர் முதல் சூப்பர்ஸ்டார் வரை !

Last Modified ஞாயிறு, 9 ஜூன் 2019 (20:43 IST)
தமிழக சினிமாவில் மட்டுமல்லாமல் இந்திய சினிமாவுக்கே சூப்பர்ஸ்டாராக இருக்கும் ரஜினிகாந்தின் புகைப்படம் மற்றும் அவரைப் பற்றிய குறிப்புகள் ஐந்தாம் வகுப்புப் பாடப் புத்தகத்தில் இடம்பெற்றுள்ளன.

ஆசியாவிலேயே ஜாக்கி சானுக்குப் பிறகு அதிக ரசிகர்களைக் கொண்டுள்ள ஒரே நடிகர் சூப்பர் ஸ்டார் ரஜினிகாந்த் தான். 70 வயதிலும் இன்னமும் கதாநாயகனாகப் படங்களில் நடித்துக் கலக்கிக் கொண்டு வருகிறார். தற்போது முருகதாஸ் இயக்கும் தர்பார் படத்தில் நடித்துவரும் அவருக்கும் அவரது ரசிகர்களுக்கும் குஷியான செய்தி ஒன்று வெளியாகியுள்ளது.

ஐந்தாம் வகுப்பு ஆங்கில பாடபுத்தகத்தில் வறுமையில் இருந்து உச்சத்திற்கு சென்ற சாதனையாளர்களின் பட்டியலில் ரஜினியின் படத்தோடு ’ பேருந்தில் நடத்துனராக தன் வாழ்க்கையை ஆரம்பித்த ரஜினி திரைத்துறையில் நுழைந்து சூப்பர் ஸ்டாராக மாறி இன்று ஒரு கலாச்சார அடையாளமாக உயர்ந்துள்ளார்’ எனவும் குறிப்பிடப்பட்டுள்ளது.



இதில் மேலும் படிக்கவும் :