சூடுபிடிக்கும் பிகே தமிழ் ரீமேக் முயற்சி

இந்திய சினிமா சரித்திரத்தில் அதிகம் வசூல் செய்த படம் என்ற பெருமையை தட்டிச் சென்ற பிகேயை தமிழில் ரீமேக் செய்ய பலரும் முயற்சி எடுத்து வருகின்றனர். அதில் விஜய்யின் பெயரும் அடிபடுகிறது.

அமீர்கானின் 3 இடியட்ஸ் படத்தை ஷங்கர் தமிழில் நண்பன் என்ற பெயரில் இயக்க, அமீர்கான் நடித்த வேடத்தில் விஜய் நடித்தார். படமும் வெற்றி பெற்றது.

பிகே, கடவுள் என்ற கருத்தாக்கத்தையும் மக்களின் மூடத்தனத்தையும் கேள்விக்குள்ளாக்கும் படம். விவசாயப் பிரச்சனையை கையில் எடுத்ததால்தான் கத்தி வெற்றி பெற்றது. அதேபோல் கடவுள் பிரச்சனையும் கல்லா கட்டும் என்று நம்பிக்கை.

இன்னும் சில தினங்களில் பிகே ரீமேக் உரிமையை யார் வாங்கப் போகிறார்கள் என்பது தெரிந்துவிடும்.