வெள்ளி, 29 மார்ச் 2024
  1. பொழுதுபோக்கு
  2. சினிமா
  3. சினிமா செய்தி
Written By Sasikala
Last Modified: வெள்ளி, 28 அக்டோபர் 2016 (16:59 IST)

நெல்லை திரையரங்கில் ரசிகர்களை சந்தித்த தனுஷ்

வெற்றி மேல் வெற்றி வந்த போது ரசிகர்கள், பத்திரிகையாளர்கள் சந்திப்பை தவிர்த்த தனுஷ், தொடர்ந்து மூன்று படங்கள் தோல்வியடைந்ததும் மீண்டும் பத்திரிகையாளர், ரசிகர் சந்திப்புகளை தொடர்கிறார்.

 
தீபாவளிக்கு கொடி வெளியாவதை முன்னிட்டு நெல்லை ராம் முத்துராம் திரையரங்கில் ரசிகர்களை அவர் சந்தித்தார். அப்போது அவர் ரசிகர்களிடம் பேசினார்.
 
எல்லோருக்கும் வணக்கம். உங்களை சந்தித்ததில் ரொம்ப மகிழ்ச்சியாக இருக்கிறது. நீங்கள் காட்டும் அன்பையும் பாசத்தையும் மறக்க முடியவில்லை. அதனால்தான் உங்களை தேடி வந்துள்ளேன். 10 ஆண்டுகளுக்கு முன்பு இதே தியேட்டரில் புதுப்பேட்டை படம் திரையிட்டபோது வந்தேன். தற்போது வந்து இருக்கிறேன்.
 
இனி இந்த அளவு காலதாமதம் ஆகாது. அடிக்கடி உங்களை சந்திக்க வருவேன். கொடி படத்தில் இரட்டை வேடங்களில் நடித்து இருக்கிறேன். நீங்கள் குடும்பத்துடன் பார்க்க வேண்டும். படத்தை வெற்றி பெற செய்யுங்கள் என்று ரசிகர்களிடம் அவர் கேட்டுக் கொண்டார்.