ஒரு நாள் கூத்தில் அறிமுகமாகும் மிஸ் யுஏஇ
தினேஷ் நடிப்பில் நெல்சன் இயக்கிவரும் படம், ஒரு நாள் கூத்து. இதில் முதல்முறையாக நவநாகரிக நகரத்து இளைஞராக தினேஷ் நடிக்கிறார். இதற்காக அவரது தோற்றம் நகரத்து இளைஞனாக பாலீஷ் செய்யப்பட்டுள்ளது.
நாயகி மியா ஜார்ஜ். இவர் சம்பந்தப்பட்ட காட்சிகளை திண்டுக்கல்லில் படமாக்கினர். இந்நிலையில், படத்தில் இன்னொரு நாயகி இருப்பதாக கூறினார் நெல்சன்.
கதைப்படி ஐடி துறையில் பணிபுரியும் அல்ட்ரா மாடர்ன் பெண் தேவைப்பட்டிருக்கிறார். அந்த வேடத்துக்கு மிஸ் யுஏஇ பட்டம் வென்ற நிவேதாவை ஒப்பந்தம் செய்துள்ளனர். நிவேதாவுக்கு ஒரு நாள் கூத்து முதல் படம்.
மிஸ் யுஏஇ பட்டம் வென்ற இவர் 15 வருடங்களுக்கு முன்புவரை தனது சொந்த ஊரான மதுரையில்தான் வசித்து வந்துள்ளார். நிவேதா சம்பந்தப்பட்ட காட்சிகள் சென்னையில் படமாக்கப்பட உள்ளது.
