ஊதித் தள்ளினாலும் வரிச்சலுகை உண்டாம் மாரிக்கு
முப்பது சதவீத வரிச்சலுகை பெறுவதற்காக தலைகீழாக நிற்கிறார்கள் தயாரிப்பாளர்கள். தமிழில் பெயர் இருக்க வேண்டும், தமிழ் கலாச்சாரத்தை பிரதிபலிக்க வேண்டும் என பல நிபந்தனைகள்.
சிகரெட் புகைக்கும் காட்சி இருந்தால் சிலநேரம் மொத்த காட்சிக்கே தடை விதிக்கிறது தணிக்கைக்குழு. இது சில நேரம். அப்படியானால் பல நேரம்?
மாரி படத்தில் நிற்கும் போது அடிக்கும் போது நடக்கும் போது என்று எப்போதும் சிகரெட்டாக ஊதித் தள்ளுகிறார் தனுஷ். இந்தப் படத்துக்கு தணிக்கைக்குழு யு சான்றிதழ் வழங்கியுள்ளது. கதைக்கு, காட்சிக்கு தேவைப்பட்டு சிகரெட் புகைப்பது என்பது வேறு. ஹீரோயிசத்துக்காக ஸ்டைலாக சிகரெட் புகைப்பது வேறு. இதில் இரண்டாவதைதான் படம் முழுக்க தனுஷ் செய்திருக்கிறார்.
இருந்தும் படம் யு சான்றிதழ் வாங்கி வரிச்சலுகைக்கு தன்னை தகுதியுடையதாக்கியிருக்கிறது.
